話咁快就收到貨囉!! 上回就介紹我響 ZALORA click click 買買買, 我收到貨囉!! 運貨要 5-7個工作天, 但唔洗一個禮拜就收到了, 真係好迅速啊~ 而運送黎既係 SF Express - 順豐速運!
嘿~ 我買左兩對鞋, 其中一對之前都有講過啦, 疑似 Toms 既 Slip-Ons, 因為$94.9咋, 好平, 所以買左! 另外一對就普普通通無乜特別既短 Boots 款! 跟住仲有兩件衫!
我似唔似 Model 呢? 哈哈! 呢件衫比我想像中短身少少, 不過笠衫好方便! 同大家介紹一下先, 呢個就係我既 Weekend Look 喔~
星期六/日一早我會去上 Yoga Class, 所以都好輕便裝束! 一件笠衫配上瑜珈褲, 去到 Studio 度除鞋除笠衫就可以上堂!! 不得不提呢對 Slips-On, 極其好著啊!
唔刮腳之餘, 鞋底唔會太平, 行起路黎都唔會咁易攰! 我都幾多時候著佢出去! 因為都幾方便易襯, 最緊要係舒服!
另一套出場喔~
嘿~ Model 既上衣 配上簡簡單單既短 Boots 款! 我原本係想買白色既上衣架, 但得番大碼, 點著啊 @@" 深色都好啦, 原來都幾好喎~
件衫顏色雖然深色左少少, 但有番對閃令令手袖, 都唔會好黑媽媽 :p
另外就係對 Boots 啦!! 佢仲有黑色揀, 但啡色就突出d! 呢對係非常非常普通既款式, 鞋有軟墊, 好舒服啊, 加上有少少鞋爭, 可以有增高左既感覺 :p
我呢套裝束承惠 $408!! 等等, 邊洗咁貴架, 登記佢地既 newsletter 會有 $100 discount 架, 呵呵~著數既野點少得架! 記得買之前登記 newsletter 啦~
分享到此為止, 拜拜~
特別嗚謝 ZALORA 贊助部份商品
♥歡迎邀約合作試用♡出席活動♥
留言
張貼留言