唔經唔覺 Glamabox 就三週年啦!!! Glamabox 三週年當然有所搞作啦 - 三週年限量特別版盒子! 先感謝送黎既盒子啊, 今期正野, 一定要同大家分享啊呀~
今次三週年限量特別版盒子配上紫色系, 包裝得靚靚, 即刻就想拆禮物lu (咁岩係12月, 聖誕禮物之餘, 仲可以用盒子內既產品變靚靚!!) 先黎睇下盒子有乜東東^^
三週年盒子有六大產品, 件件都係貨裝來啊~ 包括 ePure 既 水凝彈性冰晶膜; VDL 既 Circle Mascara; TefuTefu 既 舒緩S塑型按摩油; Premier by Dead Sea 既 全效淨白磨砂潔面啫喱; Loreal Professional 既 HAIRchalk 極速髮色水彩液; 及 Jorubi 既蘆美蘆薈膠!
先黎 Premier by Dead Sea 既 Exfoliating Emulsion 全效淨白磨砂潔面啫喱 (120ml; 價值 HK$380)!
Premier by Dead Sea 既 Exfoliating Emulsion 全效淨白磨砂潔面啫喱 採用天然活性成份, 蘊含幹細胞; β-胡蘿蔔素; 磷脂質複合物; 甘油; 胺基酸; 維生素E; 問荊葉萃取物; 銀杏葉萃取物; 啤酒花(蛇麻草)提取物; 巴拉圭茶葉精華等等, 具有美白; 清潔; 激活肌膚既功效, 能溫和去除老化既角質及面部污垢, 用後肌膚會變得幼滑亮白!
成份有金箔架啊, 好矜貴呢~ 呢個係磨沙產品, 肌膚需要定期既深層清潔, 死皮及角質先唔會積累, 搽既護膚品先可以讓皮膚吸收, 咁先有效用架麻!
呢個 Premier by Dead Sea 全效淨白磨砂潔面啫喱 都幾幼滑, 唔會磨親塊面, 淡淡香味感覺舒服! 我會響額頭; 鼻頭兩側及下巴附近多按摩, 因為烏租野最易藏響呢d位置, 大家都要注意啊~
磨沙完畢後就用清水洗乾淨! 呢個時候就要注意囉, 佢會有少少泡, 好輕微, 有少少似我地平時洗面咁, 過清水就Ok喔~
呢個都幾好用!! 有少少似 Clay Mask, 但唔需要敷! 過水後肌膚滑溜溜, 但建議即刻有保濕產品, 例如 b5 Serum! 肌膚清潔乾淨最好即刻比佢吸收滋潤營養 :)
另一產品就係 ePure 既 Membranous Jelly Masque 水凝彈性冰晶膜 (一盒三包, 價值 HK$199), 相信好多人都有試用過 (因為我見前一排好多 review 啊 :p ), 佢係啫喱面膜黎架!!
ePure 水凝彈性冰晶膜 由權威美國醫學美容醫生 Dr. Yulong Moy 首創,係市面上第一種採用活性細胞因子配方既面膜! 比一般面膜多70%保濕因子, 能瞬間補充水分高達30-50%, 有效迫使毛孔完全吸收面膜內珍貴養分, 並同時排出毛孔內雜質, 如黑頭和, 亦有美白及抑制黑色素形成; 淡化色斑及解決膚色不均勻等問題, 讓肌膚淨白無瑕, 水嫩緊緻有活力!
一包既份量都幾多! 記住要先清潔乾淨面部, 跟住就可以塗上水晶膜囉!! 注意一點既係要厚敷! 至於幾厚呢, 厚度就黎掉落黎 (3-5cm) 就岩啦! 因為啫喱會被肌膚吸收, 塗得薄就無鬼用!
厚敷 20-30分鐘就可以用附送既棒棒刮走剩餘既啫喱! 成面感覺冰涼涼; 滑溜溜! 至於清唔清到黑頭呢? 我無乜呢個問題! 不過亦都可以教大家用 ePure 厚敷鼻哥, 然後就用熱毛巾包住個鼻, 用熱力將毛孔打開, 更易清除黑頭!
面部靚靚, 頭髮都要靚靚!
Loreal Professional HAIRchalk 極速髮色水彩液 擁有獨特科技, 顯色度高; 不易脫色, 而且髮色能逐漸利用洗髮露洗淨! 採用革命性水性顏料與微纖維聚合能形成超薄軟膜, 緊貼於頭髮纖維而不會沾污衣服; 同時使用從化妝品中萃取既珠母色素, 即使用於深髮色亦能凸顯效果! 備有6款潮流大熱色調 (50ml; 價值 HK$260)!
而家唔興成頭染色架啦, 但出去 Salon 做 highlight 又貴且時間又長! Loreal Professional HAIRchalk 響屋企都可以自己做 hightlight, 方便好多! 我呢支係藍色既 HAIRchalk, 配合獨有既抹棉, 塗上適量就可以進行 Highlight! 夾夾夾, 夾多幾下顏色就會更上色, 更明顯!
嘿嘿~ 我將頭髮既前便兩側就做 highlight! 都幾型架! 不過建議最好帶左手套之後先染, 可以無拘無束唔怕染到成手都係! Oh yes, 染完記住用風筒吹一吹, 有助鎖色架!
另一產品就係 TefuTefu S-Body Shaping Massage Oil (Honey Ginger) 舒緩 S 塑型按摩油 - 蜂蜜野生薑 (100ml; 價值 HK$168)!
TefuTefu 舒緩S塑型按摩油 (蜂蜜野生薑) 係舒緩同步收緊鬆弛肌膚既二合一特效按摩油! 佢有助提升肌膚細胞微循環系統, 令肌膚更具光澤感, 同時更有軟化皮膚及有助寧神作用!
配方蘊含葡萄籽油, 為肌膚帶黎滋養, 配合蜂蜜野生薑既獨特意大利情調香氣, 增加按摩時既官感上既享受! 倒出黎既 Massage Oil 無色但有淡淡既香味! 雖係油, 但水感好重, 唔會油立立! 冬天皮膚較易乾燥, 一般潤膚露已經滿唔足唔到我, 用上 TefuTefu 呢個 Massge Oil 就搞掂晒, 滋潤同時按摩收緊肌膚~
盒內仲有支 Jorubi Aloe Vera Gel 蘆美蘆薈膠 (120g; 價值 HK$138)!
蘆美蘆薈膠 蘊含高濃度既蘆薈成份; 除左護膚, 蘆薈膠亦有促進癒合並有助紓緩, 包括皮疹; 輕度燒傷/曬傷; 跌打損傷; 刀傷/擦傷; 昆蟲叮咬等等, 而敏感; 油性或粉刺肌膚亦適用, 有助改善皮膚泛紅情況!
蘆薈係好野黎架! 可內服外用, 可以修補損傷肌膚, 我有d時候都會用上 Jorubi 呢個 Aloe Vera Gel, 塗響暗瘡位置, 有助舒緩並迅速癒合肌膚!
最後一樣產品就係 VDL 既Circle Mascara (9g; 價值 HK$158)!
VDL Circle Mascara (Mega) 利用眼睛顏色以加強睫毛液塗於睫毛上時眼妝的效果! 塗上後令睫毛液更豐盈而且同時能向上捲曲, 但又唔會出現結塊或曱甴腳既情況, 令睫毛深長耀目!
睫毛液蘊含高度保濕顆粒; 水氧化物質和及天然精華, 能為睫毛保濕同時提供滋養! 另一重點係佢既巨型睫毛刷, 佢可以使睫毛液均勻塗響睫毛上便, 但又唔會產生結塊, 令睫毛濃密同時又做到根根分明! 而且睫毛液通過測試, 能防水及防油, 唔會暈妝, 令濃密鬈曲既睫毛更長效持久!
我本身既睫毛唔太長, 懶又趕時間出門口既話, 我淨係會用 Mascara (有助放大雙眼)! 而 VDL Circle Mascara, 睫毛刷超好, 輕易塗之餘又唔會變曱甴腳打晒交! 就算塗左5至6次都好自然! 我呢個係啡色系, 可以輕輕塗上眉毛當眉 Gel 咁用 ^^
三週年特別版盒子係限量發售架, 如欲購買或更多查詢, 可到 -> http://hk.glamaclub.com/shop/gel-mask/3rd-anniversary/
分享到此為止, 拜拜~
特別嗚謝 GlamaClub 贊助產品
♥歡迎邀約合作試用♡出席活動♥
留言
張貼留言