我又黎食蟹啦 <('ω')>三<('ω')>
十月係食大閘蟹既好時機, 繼上回 上海小南國大閘蟹宴後, 我又再食蟹啦!! 今次我係幫襯屋村抵食之選既 海港酒家!
嘿嘿, 其實上年我已經幫襯架啦, 我記得好似係 $48 隻架咋, 今年要 $68! 但 $68 都好抵食, 足5両!
海港既大閘蟹係來自老三陽, 有信心保証! 可以散叫 $68 一隻之餘, 亦都有大閘蟹餐, 不過係六人或十二人餐, 但都非常抵食!
而我主力食蟹, 所以選擇散叫!! 海港d野食真係抵食又大碟, 先叫姬茸菇花膠燉螺頭 ($108) 足料且可分到8碗咁多架~
呢個燉湯真係 very good! 足料又好味, 雖然係薄薄花膠, 但無腥味; 螺頭亦原隻無縮皮, 飲完想再飲!
叫左個黑椒豬手煲 ($78)! 係因為上年黎食又係超好味, 要 encore, 雖然同蟹唔太配, 但好想食, 叫!! 呢個亦都係推介, 好惹味, 黑椒惹味之餘又少少辣, 加埋預先少過既洋蔥墊底, 用黎勞飯一流~
先黎第一 Round!!
非常新鮮滾熱辣! 一開蓋就流油, 回甘既膏, 蟹肉亦飽滿, "蟹大腿"就好似食緊蟹柳般, 正!
唔洗半個鐘就得番d 殻 (๑＾▽＾๑)
食一 Round 點會夠喉! 響等緊第二 Round 既時候就叫左 花膠珍菌千層腐皮 ($78)!
呢個又係好好味!! 呢個主要係d 乾菌類 配上素千層, 獻汁係毫油菇味, 又係岩晒撈飯!
第二 Round 蟹又黎lu~
第二 Round 更好! 比之前一隻乾淨, 而且膏更甘甜! 係就係有少少 Crazy, 但就係因為第二 Round 太好味, 所以叫左第三 Round ( ॢ^૩^) ॢ
等待中既時候又叫左 蒜蓉粉絲蒸扇貝 ($78)!
呢個唔 recommend! 因為扇貝係急凍, 唔係新鮮帶子... 不過 $78 有4個扇貝共8粒帶子, 係抵食, 但油味重!
第三 Round!!
其實兩 Round都夠, 加上食埋帶子所以都飽飽地.... 到第三隻仍然 Keep 得住! 甘甜多膏肉厚!
真係飽晒~ 街坊酒樓有如此質素, 仲要樣樣都好味, 樣樣都想推介! 埋單連加一每位 $330! 食物質素拍得住大酒樓!
是次用餐地點為 將軍澳新都城一期2樓208號舖 海港酒家
分享到此為止, 拜拜~
♥歡迎邀約合作試用♡出席活動♥
chanchechee@gmail.com
留言
張貼留言