秋冬天氣比較乾燥, 係時候要食d滋潤野! 但我咁鬼懶, 邊得閒燉咩寶品呢~ 嘿嘿(•̀ᴗ•́)و 懶人必有計仔 - 紅棗水! 即沖即飲, 非常方便!
纖Q好手藝既保健養生水 - 紅棗水 (益母草配方) 專為舒緩女性生理期不適既天然滋養良方! 採用特殊低溫水萃技術, 提煉20倍濃縮水溶性紅棗成分, 富含鈣; 鐵及多種微量元素, 配合中國醫學女性調理古方 - 益母草精華, 溫和調整體質, 由內而外回復紅潤好氣色!
紅棗水成份主要為大顆紅棗及益母草 20倍濃縮精萃! 益母草係女性每個月舒緩調節良品, 有溫和舒緩滋養效用! 可直接沖水飲用, 或配其他上其他飲品 (例如茶; 咖啡; 果汁; 豆漿; 牛奶等等) 亦可! 不過要注意孕婦不建議飲用, 因含有益母草成分!
一大包入便有30小包 (每包2g份量), 每日一包就夠囉~ 大包係鎖口袋設計, 而小包就一mit就開到, 唔需要用任何較剪或者其他工具!
紅棗水沖劑係啡紅色既幼細粉末, 加水輕輕搞勻就好易溶晒, 唔會有沉底或黏住一舊!
沖勻後既紅棗水比較深色, 不過即飲就無乜紅棗香甜味, 而且有少少苦澀...
所以呢, 我要教大家整紅棗糕(•̀ᴗ•́)و
首先大家要準備紅棗糕必備既紅棗 (去核 150g-300g)啦!! 仲有木著粉或泰國生粉 (300g); 粘米粉 40g; 糯米粉20g; 冰塘 90g (因個人甜度可再多放, 但90g已經係少甜份量lu); 及 600ml 水!
紅棗水幾時用呢? 而家就要啦!! 先準備 600ml水! 我會放入紅棗水粉末!
跟住就係用上紅棗水黎煮紅棗肉! 將去左核既紅棗加上冰塘煮溶煮淋, 煮過既紅棗水記住都要留番架!!
之後就係就係攪拌機大派用場既時候囉~
攪到爛晒既紅棗之後就要進行隔渣工程!! 隔好後就可以混合埋泰國生粉; 糯米粉; 粘米粉等等, 變成紅棗漿粉後就可以蒸囉~
我呢個係千層紅棗糕! 所以蒸既時候都有橋秒, 就係每層要蒸3分鐘, 然後再加漿粉, 再蒸3分鐘, 直至無晒漿粉就蒸10分鐘!
完成囉~ 攤凍少少後就可切黎食啦!!
嗱嗱嗱, 真係有層次架!! 今次整左六層!
我實在太過心急啦, 熱辣辣既時候係切唔到架 (╯ᆺ╰๑) 不過好夠甜且煙韌, 好好味呀~
灘凍左後就可以切開一件件! 再用保鮮紙續粒包好, 食既時候都方便d啦~
分享到此為止, 拜拜~
【My Princess HK 我的公主提供產品
購買點 : www.myprincessyoyo.com】
♥歡迎邀約合作試用♡出席活動♥
chanchechee@gmail.com
留言
張貼留言