我係一個鐘意拎大袋既人!! 查實係因為懶, 唔想執袋者 :p 一個大袋搞掂晒!!
識我既人都知我鐘意做運動, 一日可能走幾場!
我所指既係 gym 場/ yoga 場咋, 哈⁽⁽ଘ( ˊᵕˋ )ଓ⁾⁾
朝早去跑步; 晏就去做瑜珈, 無理由一件衫走天涯啩?! 跑完步出成身大汗, 路人甲乙丙唔閃開你就奇啦! 仲要著埋上瑜珈, 唔臭死人都比人怒啤死lu!
所以 FX Creation 呢個 My Palette 紅色大 Tote Bag 真係岩晒我走佬用~
My Palette easy-to-carry 大 tote bag 備有長揹帶, 可斜揹及側揹! 不過我就鐘意側邊拎, 上膊亦得!
加上柔韌而耐水性既高密度絹面尼龍物料, 就算我袋對鞋都唔會好重!
全袋為尼龍娟面, 配上真皮帶扣, 堅韌又耐用!
大 Tote Bag 無乜間格可言(๑^▿^) 一拉開拉鍊就睇晒架啦~ 嗱! 我一袋運動衫, 旁邊有兩格, 用黎放紙巾/鎖匙就岩晒! 另一邊就有格拉鍊袋位, 用黎放重要野!!
大袋輕便又好襯!
就算拎成日膊頭都唔會痛! 再加上顏色鮮豔, 岩晒炎炎夏日!
遲下去船P都要一定要帶佢去 (•ॢ ̫ -ॢ๑)✩
另一個袋比較中性, 男女都適合用!
呢個係 My Palette 系列既斜揹兩用 waist bag!
質料同樣係柔韌而耐水性既高密度絹面尼龍!
有陣時同小狗去公園玩, 我就會用佢! 貪佢可以孭, 可以騰空兩隻手出來做其他野, 例如拎水樽; 執便便 :p
最加上呢個袋夠中性, 男朋友幫我拎袋都唔會尷尬啦~
斜揹兩用 waist bag, size 唔算細架, 有四個分格添架!! 出面一格大; 後尾仲有兩格, 用黎放銀包, 電話就最貼身!
My Palette 系列以多色做招來, 隻隻色都好搶眼( ꈍ૩ꈍ)੭*
拉鍊好順唔刮手; 接駁位果兩粒鈕更印有 FX Creations, 夠晒 detail!
My Palette 系列又點止呢兩款!!
FX Creations 既 My Palette 女裝手袋系列包括: easy-to-carry 大 tote bag 兩用袋; 斜揹兩用 waist bag; 隨身小物斜揹袋 及 手抓包!
全用上輕巧柔韌而耐水性的高密度絹面尼龍物料, 搭配真皮帶扣及真皮揹帶或優質滑面揹帶,營造陽光又充滿活力的時尚氣息!
更多有關 FX Creations My Palette, 可親臨門市睇多D, 了解多D!!
分享到此為止, 拜拜~
留言
張貼留言