搽幾靚幾貴既精華或面霜, 都好似無乜料到; 好似搽d咩都唔吸收... 唔知你有無遇到咁既問題呢? 其實可能係肌膚既角質層太厚啦!!
角質層係皮膚最外層既一種保護層, 作用係防止皮膚受外來既傷害! 若果角質層唔健康或者受到傷害, 角質層就會變厚而且唔平均, 令到我地既肌膚暗淡無光, 仲會阻撓護膚品既吸收!
要去走死皮/角質, 我最近就用上 Dr.G - Brightening Peeling Gel!
呢支係專為敏感肌膚而設, 而主要成分包括維他命 C 及 E , 具有美白功效, 可以提升皮膚光澤! 仲有黑柳, 可以溫和咁去除老化角質, 清走毛孔入便既污垢! 而海藻糖及蜂蜜具有保濕及紓緩功效, 有助減低去角質時對皮膚既刺激!
Peeling Gel 既用法就好似洗面咁樣!
先吱適當既份量, 然後就輕輕響面度打圈, 避免接觸到眼呀 (眼部肌膚好薄弱, 唔適宜去角質)!! 慢慢打圈... 就會發現有好多擦字膠碎咁既物體出現!!
擦字膠... 擦字膠... 我是一粒擦字膠!
最多擦字膠碎可以捽到出黎既地方係額頭同鼻翼兩邊! 究竟d擦紙膠碎係我面上既污垢, 定係 Peeling Gel 既 chemical, 我相信兩者都有既!!
唔洗打圈捽咁耐, 大概一至兩分鐘都捽晒D死皮出黎架啦!!
睇下! 睇下! 皮膚無咁暗啞而且即係滑溜左 ^^
去走晒D死皮之後, 最好敷番個補濕 Mask!!
因為肌膚毛孔清潔乾淨之後, 吸收能力會大大提升! 呢個時候最好就係比肌膚吸水! 肌膚水份夠, 毛孔都唔會咁粗大; 唔咁粗大啦喎, 自自然死皮都少D啦, 皮膚都靚D啦~
去角質一星期最多一次好啦, 有D人就會兩星期一次, 視乎皮膚既狀況而定!
不過定期既深層清潔係必須架!!
不過定期既深層清潔係必須架!!
分享到此為止, 拜拜~
產品贊助及提供:
- SaSa
- Dr.G
♥歡迎邀約合作試用♡出席活動♥
留言
張貼留言