⍨⃝油膩不再◡̈⃝肌膚健康展活力⍢⃝

化妝為左遮掩瑕疵! 若果有靚既肌膚就唔洗遮遮掩掩啦~ 每日早晚用上精華面霜唔少得, 但肌膚唔乾淨, 用幾靚野都無用啦... 所以清潔係重要一環, 唔可以忽視潔面既重要性!
我手上拎住既就係健怡坊有得賣既 Orifera Skin Care 系列 - 泡泡洗面 (Orifera VCO Mousse Cleanser) 及 保濕爽膚水 (Orifera VCO Toner)!


Orifera Self-Foaming Mousse Cleanser with Virgin Coconut Oil, 清爽潔面泡沫 由精純椰子油加入濃縮既植物精萃; 維生素 B5; C 及精油配製而成, 使肌膚細緻光滑, 滋潤有彈性, 展現年輕活力!
一支 150ml, 睇落去係水狀而且輕搖就會變泡! 
大概兩至三 bump 就足夠, 而泡泡既質感較水, 唔太 rich, 亦都比較易溶同跣手!
將 Orifera 泡泡潔面 配合埋洗面機, 唔洗自己起泡, 方便又快捷!
短短 60 秒就將面頰兩邊, 額頭, 鼻翼, 下巴都清潔乾淨! 要注意一點既係, 唔好比泡泡入眼呀!! 可能係我自己既關係啩, 泡泡有少少啦眼 >,<
而且呢, 個洗面泡泡好清涼, 唔知係咪有薄荷成份呢? 洗完面精神煥發~
洗面同爽膚就好似連體嬰咁, 要一齊用!
Orifera Hydra-Energizing Toner with Virgin Coconut Oil and Oligo-Minerals 活力爽膚水, 係一支多功能緊緻肌膚既爽膚水! 含有來自大自然既氨基酸化合體及濕化劑, 而天然既植物萃取精華為肌膚提供強大既抗氧化, 令肌膚更有活力, 潤澤保濕!
一支 100ml, Spray 既設計! 
Toner 主要成份都係水, 所以無時無刻都可以用, 尤其洗面後! 最簡單既用法就係將佢直接噴上面; 或者噴響化妝棉然後輕抹! 
我多數會用化妝棉! 沾濕後就內至外輕抹面部肌膚, 咁樣可以清潔肌膚 (清除殘留響面上既污垢), 去除角質同時保濕滋潤! 但我有陣時都會懶, 直接噴上面架~ :p
清潔乾淨, 又有爽膚水滋潤保濕, 肌膚自然健康d啦! 
配合埋合適既精華同面霜; 少食 junk food; 多做運動; 早d休息... 要靚靚肌膚都唔係難事啦~
有時我仲會當佢係補濕 spray! 
做野做到攰, 面又乾, 噴兩下即刻精神晒!

Orifera 既護膚產品採用 100% 初榨冷壓純有機椰子油! 以先進既離心技術移除椰子油中既糖粉; 蛋白質及碳水化合物等雜質提煉而成! 品質極高; 芳香自然; 功效顯著而聞名!
Orifera SkinCare 系列於健怡坊均有發售!


分享到此為止, 拜拜~




產品贊助及提供:
- 健怡坊





♥歡迎邀約合作試用♡出席活動♥

留言