又有新品啦~ 今次森田藥粧推出黑面膜啊!!!!!
來自台灣既森田藥粧, 我都敷過佢地好幾款面膜架! 對上一次就係敷佢地既 納豆面膜 ( ՞ਊ՞) 重溫請往 --> http://chanchechee.blogspot.hk/2014/06/blog-post.html
我今次呢個係火山泥小白花潤白黑面膜!
火山泥小白花潤白黑面膜成分當然含火山泥啦!! 火山泥含有豐富微量元素及礦物質成分, 能有效調理及淨化肌膚! 另一成分係有機小白花, 有保濕修護; 淡化暗沉與澄澈肌膚既作用! 而有機洋甘菊具有舒緩; 修護調理及補充肌膚水分作用!玻尿酸可以係一定唔少得既成分, 含超保濕因子, 可持續全面鎖水, 避免水分流失, 讓肌膚水嫩緊緻有彈性!
森田藥粧既面膜同以往一樣, 就係超多精華啦!!
攞左塊面膜出黎, 袋入便既精華仍然係清晰可見~
而今次面膜紙既質地比一般為韌, 係rayon (人造絲/人造纖維), 非常貼面, 而且無
對於日曬後作為急救面膜更係推介之選!
貼好面膜後, 就可以閉目養神, 好好休息下~ 等大概15~20分鐘! 叮! 敷完唔會變黑, 但亦都無變白 :p 黑面膜蘊含既精華唔"立"面, 而且輕輕用指頭按摩就更快吸收!
呢排日日都好好天, 對於鐘意曬太陽既我, 事後護理絕對唔可以馬虎, 尤其補水!
雖然森田藥粧呢個黑面膜係黑色, 但唔會敷到我膚色都黑埋! 佢為我肌膚及時補充水份, 令肌膚充滿彈性, 而且仲有少少舒緩作用, 減少泛紅或敏感情況!
一盒 火山泥小白花潤白黑面膜 有6片, 萬寧獨家發售架, 而且仲要係$59添咋, 簡直就係抵用之選, 晚晚敷或者隔日敷都唔會肉痛!
留言
張貼留言