為左身歷其境||你可去到幾盡??

I believe I can fly~

Yoyo!! 諗都無諗過我可以翱翔天際! 我第一次玩跳降傘咋, 估唔到我又玩得幾好喎, 好好玩呀!!
其實呢, 係我去左 香港3D奇幻世界 (HK 3D Museum)!! 
3D視錯藝術風摩全球, 韓國; 日本; 泰國等既3D美術館已經吸引成千上萬人次到訪! 而家香港都有3D體驗館啦!!!
香港3D奇幻世界 位於尖東號希爾頓大廈1樓, 一d都唔難搵! 門票可以上網預訂或者現場購買! 
體驗館都算貼心, 準備左儲物櫃, 等我地淨係帶相機就可以輕輕鬆鬆入場 (不過要收費)! 
在侵氣講多次, 香港3D奇幻世界位於尖沙咀啊!! 我揸埋個放大鏡, 應該睇得好清楚啦啩~
體驗館主要有五個展區, 包括香港文化; 中華文化; 浪漫旅程; 奇想天地 及 3D體驗主題!
都好多幅3D畫慢慢玩架~

篤串魚旦食先~
食煎攘豆腐梗係要落醬汁啦!!

行船跑馬三分險, 等我掹走架船啦!!

小女子都識少少功夫, 你咪洗指意蝦我, 咪當我東亞病夫!! 

返左去古代, 又無望遠鏡... 要企高d先睇得清楚! (我旁觀唔係唐太宗啩?!)

救命呀!!!!!! 上幾個禮拜睇完明珠台翻做N次既侏羅紀公園, 而家真係有隻暴龍追住我啊!!! 我仲要係著拖鞋, 我實唔夠佢跑啦...

跑得快唔一定好世界... 比暴龍岩岩追逐完畢, 我就跌入狂莽之災... 我要被吞噬啦, 救我呀~~

要影相認得逼真, 每張作品都會有提示 - 最佳攝影位置及欣賞角度! 岩位置又岩角度, 好輕鬆影出效果! 但企位唔岩或者姿勢, 成幅畫就會怪懂的架啦.... 例如我去搶包山!
就係角度攞得唔好囉!!!! 

不過呢, 若果真係唔識攞角度或者企位唔岩, 可以參考作品旁邊既指引, 或者向工作人員咨詢!! 佢地好樂意指引同幫你影相添架~
嘿嘿, 角度岩啦, 就要解除拘謹同怕羞, 可以玩得放d!! 大膽有創意, 分分鐘笑到碌地架~

香港3D奇幻世界 位於九龍尖東加連威老道96號希爾頓大廈1樓 (港鐵尖東站P2出口, 尖東噴水池旁, 屈臣氏樓上)! 
開放時間為早上10時至晚上10時
票價分成人 (HK$149) 及小童 (3-11歲 HK$100); 3歲以下免費入場!

更多 香港3D奇幻世界 資料, 可參閱 


分享到此為止, 拜拜~





特別嗚謝活動主辦:
- 香港3D奇幻世界





♥歡迎邀約合作試用♡出席活動♥

留言