Yoyo!! 係時候諗下聖誕禮物啦喂!
最近收到一個心型刷頭既洗面機 - Pore Sonic Cleanser! 佢係家用專業美容儀權威 Dr Bauer 聯同韓國著名洗面機品牌 Pobling 合作, 攜手推出既嫩膚深層潔面器!
最近收到一個心型刷頭既洗面機 - Pore Sonic Cleanser! 佢係家用專業美容儀權威 Dr Bauer 聯同韓國著名洗面機品牌 Pobling 合作, 攜手推出既嫩膚深層潔面器!
Pobling 呢部洗面機唔洗點多講啦啩!? 早於一年前左右就開始大賣! 點解大賣呢? 因為價格抵玩, 刷毛又夠柔軟, 而且仲有得換刷頭添! 賣到連阿信屋 KawaiiLand 都有得賣, 個個都入貨!
而而家呢部, 更係由家用專業美容儀權威 Dr Bauer 聯同韓國著名醫學美容儀廠商 Habalan 合作, 結合尖端科技及醫學美容經驗攜手推出新一代 Dr Bauer X pobling 嫩膚深層潔面(Pore Sonic Cleanser)!
限量版 Dr Bauer x Pobling 配以心型刷頭, 以每分鐘 10,000 次輕柔聲波震動, 透過 20 萬條超幼細 0.06mm 及 0.07mm 特濃納米抗菌混合刷毛, 均勻按摩, 達至無孔不入, 有效清除潛藏毛孔既污垢, 改善油脂過盛; 黑頭; 暗粒等問題! 同時溫和清除積聚既老死角質層, 促進肌膚更生!
包裝同以往一樣, 一個透明膠盒! 一眼就睇特清楚支潔面器及附件! 仲記得第一代 Pobling 只印有韓文及小小英文, 而今個限量就印埋中文, 簡介清晰易明!
唔洗多講, 呢個限量版 Dr Bauer x Pobling 就係得一支潔面器 及 底座一個 (我呢個係金色底座, 仲有粉紅; 銀; 藍色選擇)! 潔面器可以拆開四件: 包括機身; 手x; 刷頭; 刷頭蓋!
Dr Bauer x Pobling 係用AAA電芯黎運作,一扭開就可以拆出黎, 要換電芯都方便好多!
而刷頭方面, 配備獨特既可換式心型刷頭, 及20 萬條超幼細 0.06mm 及 0.07mm 特濃納米抗菌混合刷毛! 只要一按刷頭心心位置, 刷頭就輕易拆出, 方便清洗及更換!
講完個 Pobling, 梗係要試上面啦!! 用法非常簡單: 先將清水沾濕潔面刷頭, 再將適量洗面膏塗於刷毛上 (小小洗面膏就好足夠)
跟住就可以按一下唯一一個開關制, 進行清潔程序, (建議面部都同時濕潤) 唔洗用力, 放上面, 響面部周圍輕輕打圈按摩!
清潔面部唔需要太長時間, 短短兩分鐘就足夠! 但就要自己計時, Pobling 係唔會有計時提示架~ 值得一贊既係佢既心型刷頭♡ 特別照顧到眼部周圍; 咀唇兩邊及下顎! 清潔同時按摩, 加上聲波震動及凹起刷頭, 大大減低對眼部肌膚既傷害!
最後就係用清水洗面及清洗刷頭! 放響乾爽通風位就 ok 啦~ 但基於咁多刷毛 (20萬條超幼細特濃納米抗菌混合刷毛), 要徹底烘乾係有少少難度, 可以乾布印一印吸收水份!
未洗面時成面油, 洗完之後去油唔在話, 感覺深入毛孔咁乾淨! Pobling 既刷毛真係 very good! 因為佢密度超高而且又超柔軟! 就連鼻位都清潔乾淨!
我都幾推薦呢部 Pobling 洗面機架, 我部第一代係時候要退役lu!
第一代 Pobling 刷頭較細, 而且無心型凹位, 對於清潔眼位時要小心d, 而且第一代電力接觸無咁好, 有陣時要好大力按先可以開動! 不過第一代既底座就好d, 係平面可以自己企響度; 相反限量版 Dr Bauer Pobling 就一定要靠 Stand!
嘿嘿, 原價$282 而家特價 $198, 用黎做聖誕抽獎禮物就岩晒啦!! 唔係太貴 (within $200 budget), 男男女女又岩用, 再加上呢個係限量版新出品, 買定個看門口都好呀 ( ๑⃙⃘ᵒ ૩ᵕ๑⃙⃘ )
限量版 Dr Bauer x Pobling 成個獎座咁呀, 我好似拎住個最佳女主角獎座, 哇哈哈~
限量版 Dr Bauer x Pobling Pore Sonic Cleanser 嫩膚深層潔面器 於全線卓悅均有銷售!
分享到此為止, 拜拜~
產品贊助及提供:
- Dr Bauer
♥歡迎邀約合作試用♡出席活動♥
留言
張貼留言