我, 真係好鐘意食星馬菜!!!!
好友帶我黎香格里拉旗下既「盛貿飯店」, 一嘗地道既星馬美食!!
環境都幾Romantic架 (因為我覺得唔夠光XD ), 地方都算ok大, 枱與枱之間都好寬躺!
而Menu都好多款野食揀架!!!
Ooops, 對我呢個患有選擇困難症病患者黎請, 真係閉家火 XDDD
樣樣都想食, 食咩好呢?? 真係唔知食乜好, 不如乜都叫d, 滿足下我個橡皮肚!!
先黎一個「囉惹醬蔬果沙律」; 「沙嗲雞牛串燒」唔少得; 再叫一個「炒蘿蔔糕」!
「囉惹醬蔬果沙律」- 來自檳城既地道蝦醬配爽脆蔬菜水果! emmmm, 我唔慣食咸既沙律! 不過呢, 未食過又值得試喎!! 幾特別幾得意架~
「沙嗲雞牛串燒」- 唔洗多講, 必食!! 再加埋個醬, 連隻碟都想lam埋佢呀!
「炒蘿蔔糕」- 好惹味, 一食食唔停!! 不過濃味左少少(不過我不嬲食開淡味野)~
跟住就梗係我至喜愛既Laksa啦!!
「檳城亞參叻沙」- 以辣魚湯做湯底, 配上菠蘿薄荷青瓜同薑花, 食落味道好清
「新加坡叻沙」- 濃烈既椰漿湯底, 再配埋駌鴦面底, 食落不過不失啦
仲有唔少得既「海南雞飯」; 「椰漿飯拼盤」同我最喜愛的鼻涕豆「馬拉盞炒羊角豆」!
「海南雞飯」- 雞好滑! 而且份量算多啦, 出便食可能數埋得8粒雞件, 呢度都有成1/4雞比你!
「椰漿飯拼盤」- 椰漿飯經過炸後比較乾身, 我鐘意d濕濕地既食物. 但伴碟既炸鳳尾魚乾好好味!
最後出場就係「馬拉盞炒鼻涕豆」!!! 個味道真係無得彈! 我自己響屋企煮過都整唔到呢個味! 不過點解羊角豆叫鼻涕豆呢? 因為佢會有d鼻涕絲連連纏纏架, 所以有個咁既名, 哈~
串燒好好味, 所以再返兜!!
就算幾飽都好, 甜品係唔會食唔落架!!!
「咖央多士」- 明明真係飽到唔想食, 咬左一啖咖央多之麻, 又想食第二啖! 係咪"阿坤咖央醬"啊?
「香蘭椰絲卷」- 我就麻麻地椰絲, 不過我都食左一件. 如果無椰絲既話我可以食晒佢~
「椰汁黑糯米」- 以為係芒果椰汁黑糯米... 係咪唔記得上芒果啊?!
「蒸三色西米糕」- 哈~其實就係我地食開既雪糕刨冰! 不過中間同個底加左d 米糕同豆豆, 感覺有少少中式
「榴蓮布甸」- 又一至愛!! 好似食緊個榴蓮咁!! 係咪用D24黎整架?? 好想打包多兩碗走添呀!
下次黎一定要encore榴連布甸 ψ(｀∇´)ψ
分享到此為止,拜拜~
馬來一菜館
香港盛貿飯店2樓
西環皇后大道西508號
Tel: 2213-6613
▀▄▀▄▀▄ＣＯＮＴＡＣＴ ＭＥ▄▀▄▀▄▀
chanchechee@gmail.com
留言
張貼留言