唔知大家有無慶祝節日既習慣呢? 就黎母親節, 會唔會買條鍊比媽媽啊? 聖誕節都會交換禮物啩?! 咁朋友生日會唔會準備小禮物呢?
我都幾鐘意收禮物架(￣▽￣) 唔好理個禮物係乜東東, 只要有禮物收, 氹下我就會好開心架啦~
今日我就去左由香港貿易發展局主辦既<香港禮品及贈品展>, 真係令我眼界大開呀!!!
今年第29屆既禮品展, 係連續多年成為全球同類展覽中最大規模! 一方面反映左禮品展係環球業界既重要採購同推廣平台, 另外方面亦顯示香港係全球最重要既禮品採購中心之一!
淨係禮品展既參展商超過4130個, 真係淨係睇都有排睇呀!!
產品類別都好多呀:
呢D設計同idea真係好好呀!! 有d 係以環保物料造出黎既產品, 就算係一個廁紙筒都可以有其他用途架!! 而有D係用朱古力造出黎架, 真係想咬一口, keke~
又例如另一個產品, 我地好多時都會沖茶飲, 但茶葉唔適宜泡得太耐, 我就見到有個設計係可以阻隔茶葉與熱水, 同而家一般市面上果款唔同架!! 真係好實用呀~
我仲去左睇<香港智營禮品設計大賞>!!
大賞既目的除左促進設計師既創造力同推動創新, 另外仲培養年輕以至整體社會欣賞創新; 原創設計同營銷策略等等!
就好似呢幾個產品咁, 好有創意架!!
左邊果個係金元寶, 名係 聚財! 膠紙座同時又係錢罌! 好有意思呀~
中間果個係舞龍舞獅既萬紙夾!! 哈~ 接龍遊戲咁呀~
而右邊就係掛勾, 用隻小鳥做點綴, 即刻寫意好多呀~
呢個展覽為期4日咋 (￣▽￣)
由2014年4月27日至30日假香港會議展覽中心舉行!! 得番幾日咋, 要去大開眼界就快d啦~
詳情可以去香港貿易發展局既網站再知多d~
http://www.hktdc.com/fair/hkgiftspremiumfair-tc/
分享到此為止,拜拜~
特別嗚謝活動主辦:
- 香港貿易發展局
▀▄▀▄▀▄ＣＯＮＴＡＣＴ ＭＥ▄▀▄▀▄▀
www.facebook.com/chanchechee
chanchechee@gmail.com
留言
張貼留言