Yoho!! 我諗好多人都聽過或者用過Annie's Way Mask!!
Annie's Way係一個台灣既品牌, 面膜包括保濕; 美白; 抗皺; 淨痘; 舒緩; 果凍... 應有盡有, 完全滿足各種膚質既需求!
Annie's Way既Mask就最出名架啦! 淨係啫喱 (Jelly) Mask 都有好多款, 而我今次試用既就係最新出既蝸牛滋潤修護果凍面膜!!
蝸牛黏液既好處效果得到廣泛認知源於智利一個農場. 呢個農場係飼養食用蝸牛...
飼養員響養場工作, 好容易就會整到或左受傷而有傷口. 但奇怪既係飼養員既傷口好快就好番, 而且連皮膚都變得柔和明亮! 之後就有化學家通過科學研究... 終於發現左蝸牛既黏液, 對肌膚提供彈性同營養既功效!!
敷Annie's Way蝸牛Jelly Mask之前, 先噴上 有機金盞花親膚柔嫩果凍噴霧!
有機金盞花能舒緩並有助調節肌膚油水平衡, 極佳溫和親膚性, Jelly質地能緊緊包住養份, 輕輕按壓能快速注入肌膚底層!
果凍噴霧 |( ̄3 ̄)| Jelly? Spray? 哈~ 好得意既組合! 噴出黎係啫喱黎架! 感覺好特別, 因為多數Spray都係水狀架麻! Spray按得愈快, 出黎既粒子就會細好多! 可以當serum用都得!!
跟住就真係敷呢個蝸牛Mask啦!!
蝸牛滋潤修護果凍面膜 能深層清潔黑頭粉刺, 高效修護既蝸牛黏液與長效持久24小時既保濕因子完美結合, 深層滋潤, 柔軟並增加肌膚彈性, 讓精華成分源源不絕注入肌底!
認住呢個雷射貼紙! 只係貼一次架咋, 若果係比人開過就一定知, 因為無得番貼!!
記住敷呢個啫喱Mask要厚敷, 敷得太薄或者用量唔夠, 就㗰晒個Mask架啦! 到時敷左定於無敷, 咁敷黎做乜鬼, 真係㗰鬼氣囉~
啫喱呀啫喱, 我要食你啦!! 我好唔輕手架, 大大匙咁筆落去架!!
唔好問我蝸牛Mask係咩味道? 因為我相信蝸牛應該無味既, 而呢個Mask係有少少清香味, 都幾好聞架, 但好快散發晒lu~
你睇下我, 真係都敷得幾厚架!!
呢個Jelly Mask一星期敷最多三次, 唔建議日日敷! 雖則係啫喱, 但唔需要放雪櫃, 擺陰涼地方就Ok! 敷既時間大概15-30分鐘, 千祈唔好等乾晒先處理!!
啫喱都幾難抹得走晒, 所以我先會用棒棒刮走左d先... 之後再用毛巾或者Sponge去抹走餘下果d, 咁就好易清潔架啦!!
抹完洗完面, 成塊面都涼浸浸, 好似freeze左我既肌膚咁(^з^)-☆ 而且仲好滑添呀!!
至於清潔黑頭粉刺我就唔係咁覺見效啦, 或者我下次試下淨係厚敷鼻哥, 然後再用熱毛巾steam下佢, 黑頭應該好易退出黎!!
最後就係Annie's Way Paper Mask!!!
我呢盒係保濕系列, 一盒有五片, 每片都係唔同成份架!!
- 仙人掌保濕水嫩面膜
仙人掌能保濕及鎖水, 可讓肌膚充滿水份, 有彈性
- 玻尿酸保濕鎖水面膜
玻尿酸具有高效保濕鎖水, 維持皮膚緊緻和彈性光澤, 讓肌膚水水嫩嫩
- 法國玫瑰保濕美膚面膜
法國玫瑰萃取具有爽膚, 防止肌膚的老化及深層保濕能力, 使肌膚年輕有光澤
- 蜂蜜深層保濕面膜
蜂蜜具有深層保濕滋潤肌膚, 改善乾燥, 讓肌膚緊緻, 防止肌膚粗糙老化
- 雪杉精華保濕面膜
雪杉具有高效保濕, 水份直達肌膚底層, 舒緩乾燥肌膚, 維持皮膚緊實彈性和恢復光澤, 延緩老化
我試左仙人掌保濕水嫩面膜! 因為之前去紐西蘭, 天氣比較乾燥, 所以為肌膚注入水份好緊要!
台灣Mask一般都有兩層, 而Annie's Way呢塊質地偏薄, Size大細都幾適合我, 係下巴位果度我修過左少少ψ(`∇´)ψ 順便提拉V面!!
我敷Mask唔會敷得耐, 15-20分鐘左右就會除架啦!
敷完超水潤, 而且塊Mask超貼面, 貼到有壓紋出現響我面頰添 Σ( ̄。 ̄ノ)ノ
每每敷完Mask我都會用手指輕輕彈下塊面, 等d精華好吸收d!
分享完畢!! 大家都要為美麗而努力作戰, 唔好懶呀~
產品贊助及提供:
- Annie's Way
▀▄▀▄▀▄CONTACT ME▄▀▄▀▄▀
www.facebook.com/chanchechee
chanchechee@gmail.com
留言
張貼留言