大家響聖誕節抽到咩禮物呢? 我就有份度身訂造既手作仔套裝! 哈~我其實係個好鐘意 DIY 既人, 覺得親自做更顯心意! 而我今次就要介紹 Casio 呢個 Pomrie - Stamp Maker!!
Pomrie 係乜東東呢? 其實佢就係一部印章製造機! 可能大家都有造過原子印, 揀公仔; 揀字體; 揀顏色; 揀大細... 而家響屋企都可以自己動手做啦! 先黎睇下呢盒Casio Stamp Maker Pomrie 包左d咩先啦!
盒子細細就係得咁多架咋! 唔少得既就梗係 Pomrie 打印機; 印章薄片套; 印章; 油墨等等! 淨係得部 Pomrie 又點能成事呢?! 只要將佢聯繫電腦, 就可以輕鬆發揮你既創造力去整印章啦~
簡單黎講 Pomrie 就係一部打印機 Printer! 不過印出黎既唔係紙, 而係一個印章!
我呢部 Pomrie 型號為 STC-U10, 只需要接上 USB 就可以接駁電腦一齊使用! Pomrie STC-U10 全機只有一個制, 就係開關黎架啦! 機身後便就係電源及 USB!
Pomrie 都要靠電先可以運作, 所以跟機有 AC 變壓差電器; 而 USB 就梗係連接電腦啦! 插好晒制就可以開始自己動手做囉~
首先要響部電腦安裝左 Stamp Maker 應用程式啦! 安裝一次就得架啦! 跟住就係開左個程式, Let's get ready!!
一開 印章製作程式 就有四個選擇! 基本印章 就係比晒 Template 你, 有晒尺寸; 圖案比你慢慢揀! 雖然跟機既 印章薄片套 size 係 15x15mm , 但 30x30mm 什至係 45x45mm 既內置圖案都可以岩用 (大家都係正方形)! 但其他 size 就無得整lu~
內置圖案都幾多選擇架! 而且仲可以加字添架, 字體亦有好多選擇! 我是是但就響青蛙仔個肚到 mark 住 Kero!
嘿~ 跟住我就向高難度挑戰啦 - <從影像創建>! 除左可以用內置既圖案之外, 仲可以將相片或手繪插圖製成印章! (Pomrie 支援 JPEG, PNG, Bitmap 等等影像格式)
Pomrie 印章製作程式 都算簡單易用, 整錯左又可以 undo 或者去番上一步! 只要你未列印都仲可以修改! 我既高難度挑戰就係要整小狗印章!!
Cut 好晒之後就可以揀要咩 Style! 一共有15款風格可選, 寫實; 漫畫風; 卡通等等!
哎呀!! 搞乜鬼啊?! 點解隻小狗變成咁架... 後尾搞左好耐, 我決定第一次都係整d 簡單款穩陣d好~ 因此, 我就揀左個女仔就我既印章啦!!
其實佢仲可以加框架同文字! 但我個印章只有 15x15mm 大, 加咁多野就好花好亂, 第一次整要整得好好睇肌, 所以, 一切從簡, 哈~ 我要列印啦! 當然要開 Pomrie 打印機啦!
攞出跟機既唯一一張 印章薄片套, 然後響 Pomrie 機尾插入!
真係好快, 都唔洗1分鐘就已經印好左! 我第一個小妹妹印章貼就出現響我面前! 好得意呀~
印好左個片之後, 就可以將佢拎出黎, 貼響印章底座!! 注意啊, 呢個時候盡量千祈唔好搞到印章個面, 避免刮花表面!
貼好左就可以沾上油墨啦!! 跟機附送黑色油墨一支 (5ml), 如有需要或想整多色印章, 仲可以配其他油墨, 其8色選擇 (紅 黃 藍 綠 啡 紫 粉紅)!
沾上油墨後就要等一陣, 大概5分鐘左右, 等d油墨被吸收!
大功告成啦!!! Yeah yeah! 可以開始印印印行動 ٩(๑‾ v ‾๑)۶ 沾上油墨後既頭十個印都未穩定架, 要蓋多幾個先得架!
分享到此為止, 拜拜~
特別嗚謝 Casio 贊助產品
♥歡迎邀約合作試用♡出席活動♥
留言
張貼留言