骨膠原... 相信大家都唔會陌生! 過左25歲後, 骨膠原就會開始自然流失! 流失得愈快衰老跡象顯現亦快! 平時可以食下花膠; 雪耳為體內補充骨膠原! 而面部, 我認為只有去做醫學美容先有得改善; 不過平時響屋企敷下骨膠原面膜, 心理上都有d效用 :p
最近收到 Extitute Collagen Moisture Mask 骨膠原蛋白保濕面膜試用邀請, 呢款面膜建議一星期敷三次, 所以剛好係試用一星期!
呢款 Extitute Collagen Moisture Mask 骨膠原蛋白保濕面膜 屬於美容院牌子, 因為只係響各大美容院; Resort Spa; Clinic Spa 先有銷售! 不過呢, 我睇晒前前後後, 都搵唔到係邊度製造... 雖然有英文, 而且仲有日文!
唔洗多講 Extitute Collagen Moisture Mask 骨膠原蛋白保濕面膜 梗係蘊含骨膠原啦!! 骨膠原綜合體, 令膠骨原再生, 還原彈性青春美肌! 另含豐富礦物質及微量元素, 有助舒緩肌膚並幫助水份維持! 配含玻尿酸能鎖住大量水份子, 形成天然鎖水屏障補水修護, 長效保濕!
敷面膜就梗係敷響清潔既面上便啦! Packing 指示敷10-15分鐘, 比一般面膜敷既時間較短!
剪開包裝有一份面膜, 面膜有三層, 其中外層係藍色; 另一邊外層係錫紙, 拎走呢層唔好敷錯呀!
拎走左錫紙後就得番藍色及白色面膜紙! 藍色呢個係較厚少少, 但都唔係敷上面果片面膜紙黎架! 呢塊藍色面膜我會用黎敷手臂或者腳, 用得唔好浪費麻~
中間果層白色面膜紙就係敷上面啦! 好薄好薄, 我有少少嫌佢薄得濟添呀! 好多面膜對於我黎講都偏大, 而呢個都係大左少少少!
薄得濟既面膜紙令到邊邊位好容易摺埋左! 一摺左就好難攤番開... 另一問題好快就產生, 薄既面膜應該係梗貼面, 但鼻位同眼頭位點整極都唔貼... 而且感覺精華不多!
真係唔洗敷咁耐, 因為我只係敷左15分鐘, 開始感到乾啦! 要快d拎走塊面膜, 如果唔係就會愈敷愈乾, 得不常失!
面膜精華雖然唔多, 但換一個角度諗, 咁就唔洗敷咁耐啦, 而且仲唔怕d精華滴到周圍係! 短短敷左15分鐘, 感覺都幾舒服! 敷完唔太覺有殘餘精華, 亦唔會黏立感!
敷一次 Extitute Collagen Moisture Mask 骨膠原蛋白保濕面膜 就等於塗左一支膠原精華? 哈~ 我未感覺到喎! 不過敷完面膜唔洗過水都幾好呀!
分享到此為止, 拜拜~
特別嗚謝 Extitute 贊助產品
♥歡迎邀約合作試用♡出席活動♥
留言
張貼留言