我個人唔係成日飲酒, 不過節日喜慶都會飲番兩杯! 至於好飲唔好飲就好睇個人好味, 鐘意果味濃d? 烈口d? 不如去學下品酒先啦~
品酒, 好似好 high-class咁 :p 而家呢個年代, 尤其女仔點可以唔識飲酒架! 飲酒都係品味人生既一種, 而今次品酒工作坊仲請黎 Watson's Wine 市務及電子商務經理Janice 教授及分享!
第一支試飲既係黎自法國既 Rose 玫瑰酒 - Prieure de Montezargues Tavel Rose!
來自法國隆河區既 Prieure de Montezargues Tavel Rose 2013, 散發出淡淡玫瑰香味, 玫瑰玫瑰我愛你, 人人都鐘意! 加上帶有少少紅莓及野莓味道, 清新得黎又易入口!
Rose 玫瑰酒味淡加上少少甜, 好易入口! Rose 配燒烤應該好夾!
第二款係黎自德國既白酒 Riesling - Wegeler Wehlener Sonnenuhr Riesling Kabinett!
德國白酒Wegeler Wehlener Sonnenuhr Riesling Kabinett 2011 充滿陣陣熱帶水果及西柚等果香, 口感帶清爽, 味道清新怡人!
Riesling 最特別既地方係初飲或會覺得有礦物/石頭味, 當接觸空氣更耐久, 味道就會變! 最適合配微辣既食物!
最後一款係紐西蘭既紅酒 - Palliser Estate Pinot Noir!
來自新西蘭既 Palliser Estate Pinot Noir 2013, 匯聚黑莓; 櫻桃及紫羅蘭香氣! 顏色較淡且淺, 酒體適中, 丹寧幼滑, 酸度結實, 整體味道豐富且平衡!
因為係用上薄提子皮而提練而成, 所以酒色偏淡! 呢隻紅酒好得意, 同之前果隻一樣, 味道會因接觸空氣長久而變化! 起初可能會覺得有牛屎味 (其實係青草味 :p ), 跟住慢慢會滲出雲呢拿; cherry; 橡木怎至係咖啡味!
酒同香水其實都有互通點, 就係都要聞左先~ 當日除左品酒之外, 仲請黎香水創意師 Adrian 講及香水歷史, 仲同大家一齊自製獨一無二既香水!
香水創意師 Adrian 介紹香水既由來之外, 仲為呢三款酒調配左唔同調子既香水! 而香水都有分四大味道, 有Fruit Notes; Oriental Notes; Fresh Notes 及 Wood Notes!
香水都有幾個層次, 前調既味道通常只維持一陣, 好快就會揮發, 作用係比人最初既整體印象, 吸引注意力; 而中調既味道就會逗留較長時間; 一般會維持4個小時, 以體現主要香氣特徵! 最黎係後調, 係香味最持久既部分, 即係話揮發得最慢既部分, 留香持久成為香水既總結部分!
原來要調配香水唔難, 只需要幾滴純正精油加落油精拌勻就大功告成! 不過最頭痛係要調配咩味 (O_o )
最後我既獨家製香水係: 西柚加佛手柑作為前調; 中調我就揀左依蘭依蘭; 後調就雲呢拿! 哈~ 係我既味道! 另外仲整左支 Rolling, 可以隨時隨地碌碌碌~ 主要係青蘋果味, 清新d 抖抖精神!
分享到此為止, 拜拜~
特別嗚謝活動主辦:
♥歡迎邀約合作試用♡出席活動♥
留言
張貼留言