有日路經北角電器道, 發覺有覺間門面只寫住「大熱高湯麵」!
咁岩想食d濕淋淋野, 高湯麵, 我來也!
其實咩係高湯麵呢?
「高湯麵」就係指以優質原材料製作老火湯, 唔用味精; 雞粉或者其他添加劑, 熬製出純正高湯!再配上合適既麵條.... 以真味打動你既味蕾!!!!!
「大熱高湯麵」熬出三款靈魂湯底! 包括:
- 大高湯
主要材料為雞, 配上極優質的材料如金華火腿及瑤柱等,淳厚而富層次感, 骨膠原豐富. 建議選配高級麵粉製成的陽春麵.
- 白高湯
主要材料為大量鮮魚. 以濃郁; 純正的味道取勝. 建議選配幼滑彈牙的優質米線.
- 黑高湯
主要材料為牛骨;牛腩, 配上香料配方(羅漢果; 草果等). 口味創新鮮甜, 牛香四溢. 建議選配晶瑩清新的葛粉絲.
講乜都係假!! 食過先知!
個menu就係得咁多!! 三種麵; 三款湯! 當然配上精緻小點心!
點心款色唔多, 只有十二款! 不過我患有選擇困難症, 所以響12款入便揀野食, 對我黎講實在感激(●°u°●) 」
唔知嗌乜食好, 唯有..... 乜都要!! 12樣我叫左8樣 XDDD
哇哈哈哈, 係咪好大堆頭呢!!
不過碟碟都好精緻, 得3~4粒架咋!
睇住個menu教你點樣食小點心, 就係由淡味開始食先~
不得不提, 酸梅炸蝦丸!!!!! 必食, 流心酸梅漿, 唔會好酸, 同蝦丸好夾!
而高湯麵呢.....
因為有魚湯浸娃娃菜, 所以唔叫白高湯lu~ 兩個都要左大高湯! 不過一個要陽春麵; 一個要葛粉絲!
高湯真係高湯, 真係好好味! 食得出唔係味精湯!
而陽春麵(kaka, 好似返左去古代咁呀!!! 小二, 黎一碗陽春麵!); 水準一般啦.... 煮得不彈牙(有少少淋), 但由於湯太正, 面頭仲加左幾條金華火腿絲, 得!
葛粉絲比相象中唔夠煙韌, 不過同樣配上大高湯+金華火腿絲, 美味升華!
價錢貴唔貴就見人見智啦~ 你可能話六十幾蚊食碗麵... 又唔係日本拉麵! 高湯麵既高湯熬左好耐架! 呢d又點計先! 中式西式日式, 各有各好!
分享到此為止~
大熱高湯麵
北角電氣道256號華凱大廈地下
▀▄▀▄▀▄ＣＯＮＴＡＣＴ ＭＥ▄▀▄▀▄▀
chanchechee@gmail.com
留言
張貼留言