洗面洗得乾淨徹底 我有VisaPure

清潔係最基本既日常護理, 皮膚清潔乾淨, 肌膚吸收能力都會大大提升! 但淨係用雙手係未必足夠, 等我同大家介紹 Philips 出品既洗面機 VisaPure 淨亮潔膚儀!
平時清潔會用上 Cleansing Gel; cleansing foam; cleansing milk 或者係潔面皂等等, 而家我會用埋 Philips 既 VisaPure 淨亮潔膚儀, 清潔得更乾淨徹底!
打開個盒就會見到一套四件潔面儀產品, 機身一定有啦, 仲有個便攜袋; 另外仲有三腳插蘇差電及充電座, 而刷頭有兩個, 適合一般肌膚及敏感肌膚使用!
VisaPure 既充電插座非常方便, 慳位擺放同時又可差電; 差一次電要6小時, 可用足半個月!! 唔洗差電既時候就用黎存放 VisaPure, 等刷毛可以自然風乾!
非密封式充電座, 就算連刷頭一齊放上去都得, 而且可通風自然風乾刷毛!
VisaPure 跟機配有兩個不同刷頭, 適合一般肌膚及敏感肌膚!
其實 VisaPure 唔止兩個刷頭, 一共有五款柔軟潔面刷頭! 而跟機就附有「一般肌膚刷頭」及「敏感肌膚刷頭」, 一般肌膚刷頭 (全白色毛) 幼細, 可溫和潔淨肌膚; 而敏感肌膚刷頭 (白色粉紅色毛) 採用超柔軟既特製刷毛, 減低對肌膚既刺激!
刷毛真係超柔軟, 絕唔會吉手! 而且刷頭直徑只有 3.5cm, 就算鼻翼細微位置都輕易接觸到! 
六角型鎖口位唔會令刷頭輕易飛脫, 而換刷頭就只需比少少力, 一抆就分開出黎架啦~
VisaPure 配有兩種速度設定, 速度1係輕柔清潔, 以溫和既力度為肌膚進行潔淨及按摩; 速度2係深層潔淨(速度更快更高速), 有效深層潔淨毛孔污垢, 提升肌膚光澤度!
洗面前要將 VisaPure 濕水!! Oh yes, VisaPure 全防水設計, 帶埋去沖涼都唔洗怕! 
用 VisaPure 特別容易起泡! 我用潔面乳, 吱兩至三 Bump 左右, 我直接擦上面! 又或者可先響手掌起泡然後再擦上面!
VisaPure 獨特 Dual Motion 2D 淨亮科技, 刷頭同時旋轉但又會振動! 垂直震動可輕輕打破肌膚表面既雜質, 包括灰塵; 死皮細胞及化妝殘留物! 而旋轉動作可掃走雜質, 令肌膚獲得更深層清潔!
洗面唔需要耐, 短短1分鐘就足夠! VisaPure 配有智能潔面計時功能, 每20秒就會出現短暫暫頭, 提示要清潔下一個部位! 所以我會將塊面分三部分, 額頭 T-Zone 位及左右面頰! 鼻翼最易藏污垢, 我會將 VisaPure 停留響鼻翼一陣 (大概5秒), 黑頭都幫我清埋~
VisaPure 一分鐘後就會自動熄機, 我下巴係痘痘粒粒既溫床區域, 所以我會再開多一次機, 然後順便清潔埋頸部及胸口位置 (沖涼果陣我會帶埋部 VisaPure 入去), 咁就岩岩好啦!
我鐘意用敏感肌膚刷頭, 貪佢刷毛更幼細更柔軟! VisaPure 既清潔好簡單, 因為全防水設計, 所以點淋水都唔怕! 將清潔刷頭直接用水加少少番梘沖洗就可以!
沖洗乾淨之後就可以放響充電座晾乾, 非常方便又慳位! (註: 差一次電就可以用半個月, 條插蘇差電線可以拎走佢!)
每日早晚, 每次最多兩分鐘, 就可以深層清潔肌膚, 去除面上污垢, 毛孔乾淨更有效吸收之後塗既護膚品! 用左大半個月, 黑頭; 痘痘粒粒都少左, 真係同用手清潔有分別!


分享到此為止, 拜拜~


°゚。・*.゚✩˂特別嗚謝 品牌 邀請及贊助產品˃✩゚.*・。゚°


♥歡迎邀約合作試用♡出席活動♥

留言