正所謂年廿八洗邋遢, 家居清潔一年都至少一次大掃除啦! 咁肌膚呢? 都係同廿八有關, 就係廿八日啦~ 肌膚生長周期廿八日為周期, 就算你有日日清潔洗面都好, 肌膚總會有d頑固既死皮角質痴住鏟唔走, 所以大概一個月左右就要進行「大掃除」 - NeoStrata 醫學深層煥膚療程!
前一排我就去左大掃除 - ProSystem 醫學深層煥膚療程, 一個療程可針對並改善肌膚七大問題:
- 過厚既老化角質層 (即係死皮)
- 粗糙暗啞; 膚色不均欠光澤
- 暗瘡 (油脂粒/丘疹/囊胞)
- 毛孔粗大; 堵塞; 暗瘡疤 (淺洞)
- 色素失調 (雀斑; 色斑; 膚色偏黃; 皮膚發炎後)
- 面紅症 (改善面部敏感度)
- 幼紋/皺紋
我要進化!!
我無白雪雪既皮膚, 平常見到我既光澤只係油光 ~,~ 而且肌膚屬暗啞偏黃, 加上人大左新陳代謝減慢, 暗瘡印極難退散, 所以深層煥膚療程就岩晒啦~
洗面係每日清潔最基本, 治療師先用上 Facial Cleanser 清潔面部! Facial Cleanser 性質溫和, 不傷皮膚! 然後就用上 ProSystem Pre-Peel Cleanser 再抹一次面部肌膚!
ProSystem 有七款 Peel 藥水, 由20%; 30%; 50%; 70%, 到針對暗瘡或色斑既藥水都有! 而一般只會用 20% 或 30%; 50% 或 70% 主要係治療性及用於身體部分! 面部肌膚就20% 或 30% 藥水就好足夠, 視乎情況需要!
治療師為我塗上 ProSystem 20% Peel 藥水, 感覺有少少蟻咬, 呢個就係藥水正滲透入肌膚底層! 由塗上藥水果一刻開始計兩分半鐘 (2.5分鐘), 治療師怕我好痕, 用上小型風扇向面部吹風, 分散注意力!
兩分半鐘好快就到! 治療師嗱嗱聲向我肌膚噴上 ProSystem Peel 中和液, 然後清洗乾淨! 感覺煥然一新, 肌膚白淨左! 加上 ProSystem 性質溫和, 塗上後及清潔後都無紅腫或敏感情況出現!
跟住就做導入! 當然係用上 NeoStrata 系列啦! Line Lift 系列係有抗皺功效, 所以治療師特別於眉心及眼部碌多兩碌~
做導入梗係舒服啦, 到最後一個程序就係敷面膜! 肌膚大掃除後肌膚都會比較乾燥, 而且清潔乾淨後最好就係比肌膚吸水, 所以就塗上保濕舒緩面膜!
搞掂! 靚晒! 雖然遮蓋唔到我疲倦既雙眼, 但撇除雙眼, 肌膚明顯滑溜左, 去除暗啞, 去黃變白左!
肌膚每月一次大掃除 (ProSystem醫學深層煥膚療程); 平時一星期一至兩次家居小掃除都係必需架 - GelPlus 加倍再生啫喱面膜!
響屋企可以用 GelPlus, 含高濃度果酸成份 - 15% 甘醇酸 (AHA), 有助去除老化角質及皮膚更生, 從而提升皮膚吸收力! 對改善皮膚問題例如暗啞係相當有效用!
角質層係皮膚最外層既保護屏障, 角質積聚過多會令皮膚粗糙暗淡, 仲會阻礙後續護膚品既吸收! 我愛上了 GelPlus, 每星期一兩日, 每次只需短短5至10分鐘, 皮膚死皮全部走, 毛孔清潔乾淨, 吸收能力大大提升, 肌膚仲有番光澤, 滑到溜手!
註: NeoStrata ProSystem「醫學深層煥膚」療程 於指定醫生診所有售; 而 NeoStrata GelPlus 更生活膚啫喱面膜 於全線萬寧有售!
分享到此為止, 拜拜~
°ﾟ｡･*.ﾟ✩˂特別嗚謝品牌邀請˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言