懶唔係藉口! 因為我有智慧保濕三合一

世上只有懶女人, 不過都要懶得精明! 一年四季都要保濕, 最近 L’Oréal Paris 就推出左支 三合一智慧保濕精華水 (Hydrafresh Mutli-Active Genius Water), 幾懶既人都無藉口啦~
L’Oréal Paris Hydrafresh Multi-Active Genius Water 水清新3合1智慧保濕精華水, 一支完全融合水油質感既精華水, 當中既爆水珠珠科技, 一抺即爆水, 響肌膚上釋放3重保濕力, 為肌膚打好根基, 塑造水漾亮澤既好肌膚!
睇到嗎? 睇到嗎? 一粒粒既水珠, 就係爆水珠珠啦!!! 平時既爽膚水; 或者係精華水, 都只係得一個狀態 (水狀), 呢支 Genius Water 係有睇得見既爆水珠珠架~
Genius Water 蘊含豐富法國孚日山 SPA 礦泉水; 雙重透明質酸; 葡萄油; 維他命E! 水油完美混合, 而且清爽質感唔黏立, 萬千爆水珠珠一推爆水, 釋放3重保濕力!
Genius Water 有 3 合1 保濕功效, 提供化妝水既保濕力, 令潔面後既肌膚瞬間獲得充份保濕! 精華般既滲透度滋養力, 帶有極速滲透力, 將水份帶到肌膚底層, 全面滲透滋潤! 最後係乳液般既鎖水力, 精華水會將滋潤因子緊緊鎖響肌膚底層, 持久保濕!
看到嗎? 我只係將數滴既 Genius Water 倒響掌心然後塗上面 (或者拍上面亦可), 面部肌膚即時滋潤蠟蠟靚, 水潤有光澤~ 而且推開後好快被肌膚吸收, 最正既係唔立痴痴! 
Genius Water 最正既係直接塗上面(或輕拍上面)又得, 或者倒落化妝棉敷上面亦得! 我個人推介用化妝棉敷面~ 即係好似平時敷面膜咁, 利用化妝棉黎阻隔空氣, 讓肌膚暫時呈現密閉狀態, 降低肌膚水份揮發速度, 從而提高肌膚對精華水既吸收能力!
我面頰兩邊及額頭位置就係出油重災區!! 出油原因好簡單, 就係因為缺水喔~ 所以我會敷響呢D位置, 當然啦, 成面敷就梗好啦, 但我呢D趕急人, 每朝起身就好似打仗咁, 拿拿聲倒幾滴 Genius Water 響化妝棉然後敷3 5分鐘, 之後上妝都易D架~
敷左短短一陣時間, Genius Water 已經瞬間保濕, 滋潤並鎖水, 肌膚滑溜有光澤! 而且敷完肌膚涼浸浸, 岩晒呢個炎熱季節!


分享到此為止, 拜拜~


°゚。・*.゚✩˂特別嗚謝 品牌 邀請及贊助產品˃✩゚.*・。゚°


♥歡迎邀約合作試用♡出席活動♥

留言