波波池係小朋友既專利, 你對上一次係幾時去波波池? 十年前? 廿年前? 而家可以重拾童真啦~ 因為太古城中心有個超巨型波波池 - 波池的海, 不論你係大人定細路, 都可以響波波池玩過夠皮!!!
太古城將冰上皇宮溜冰場黎一個大變身, 將溜冰場變做波波池! 波池的海 面積約為20米x 40米, 池內注滿黃色; 灰色及淺啡色既膠波!
波池的海 只限三天, 而我有幸被邀請率先試玩!
大會提供三大借用物品, 包括腰包; 襪 及膠袋! 腰包呢個真係好貼心, 用黎放電話一流, 話晒貴重物品跟身嘛~ 而襪係保護雙腳, 始終係冰場, 都會有少少寒氣架! 若果怕整濕對襪, 可以用大會提供既膠袋再包住對襪先入場!
大會照顧周到, 入波池前要先除鞋, 寄存隨身物品! 有好多 Locker 比大家, 所以唔洗擔心要一抽二拎咁入波池!
仲有要先用酒精搓手液清潔雙手! 大會提供一枱都係既消毒酒精比大家, 個個都消左毒先入波池架~
哈哈, 入波池既準備就係腰包及襪子! 當然仲有手機或相機啦~
波波池無話點樣玩, 你鐘意訓響度又得, 任掟波波又得, 鐘意點玩就點玩!
波池有分小童池區及成人池區域! 小童池域約0.4米深; 而成人池區域約0.8米深, 而且仲一條長達5米既滑梯! 好好玩架!!
要響波池度影相有難度, 影到d波波有動感但我就無晒樣 -,- 影極都係未 ready 狀態.... 所以黎波池最好就係玩過夠!
係咪好想黎玩呢? 只要於太古城中心憑任何6月消費收據, 及於facebook專頁「Cityplaza Hong Kong」內「按讚」就可入場玩過夠!
波池的海 每日有9節時段! 而且只限三天, 錯過左就無架啦!
太古城中心「波池的海」
日期：2015年6月13日至6月15日
地點：太古城中心冰上皇宮溜冰場
開放時間：上午10時至晚上10時 - 每節40分鐘(共9節)，每次最多容納80人
(清潔小休：下午1時至2時/下午4時至5時/晚上7時至8時/晚上10時後)
參加方法：於太古城中心憑任何6月消費收據; 及於facebook專頁「Cityplaza Hong Kong」內「按讚」便可入內體驗
入場限制：成人區域 (身高1.4米或以上); 小童區域 (身高必須高於0.8米)
分享到此為止, 拜拜~
°ﾟ｡･*.ﾟ✩˂特別嗚謝 主辦單位 邀請˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言