又到一年一度食大閘蟹季節 ٩(｡•◡•｡)۶
年年唔係去鴻星就係去東海, 今年轉試 上海小南國!!
事源係因為有匯豐信用卡 (專享85折), 見個價錢差唔多, 試下上海小南國都好呀~
套餐有兩款, 各包兩隻 4.5両至5両 大閘蟹! 初試就試 $338 餐啦 (*´∇｀)ﾉ 兩個餐既野食唔差得太遠, 貴少少就有花膠湯同煎封爐魚!
先黎冷盤小碟! 鎮江肴肉; 四喜烤麩 及 糖醋小排骨! 原本係四款中任擇兩款 (另一款為山珍雲耳), 阿哥仔比我地揀多款 ₍₍ ◝(ˊ•◡•ˋ)◞ ₎₎ 但明明我地叫山珍雲耳, 黎左四喜烤麩.... 精緻但食落口一般, 四喜烤麩偏甜; 而糖醋小排骨食左一粒無想食第二粒既感覺!
跟住就係好好味既江蘇烏醋香肉!
鐘意食梅菜扣肉/五花腩既話, 呢個一定都鐘意⁽⁽ ◝(´દ `◍)◟ ₎₎ 味道調教得好好, 食落去唔會覺得肥膩, 連皮都吞到 (平時我食唔到肥豬肉~), 煙韌又好趙, 如果有碗白飯就更好了~
椒鹽小黃魚。emmmm 賣想就無乜架啦, 不過幾好味, 咩味? 魚有魚味囉, kaka, 啖啖肉, 魚骨又大條, 好易食~
終於有蟹既產品出場啦 - 生拆蟹粉蟹肉羹!
上呢個蟹肉羹有小蠟燭 heat 住架, 不過熱得幾多呀, 哈~ 淨食無乜味道, 可加醋或者糊椒粉, 美味感瞬間提升 ⁽⁽ ◟(∗ ˊદ` ∗)◞ ⁾⁾
主角出場 - 清蒸太湖大閘蟹。蟹比想象中細左少少 (唔記得做對比添...); 身軀完整, 大部都齊晒八隻腳, 只係笑得無咁開心 (好似東海既蟹開心D ☻蟹蓋現笑容☻)
而且一次上晒咁多隻蟹, 我食蟹好慢架嘛, 半個鐘先KO一隻, 一次上晒唔攤凍就奇啦! 同左侍應哥仔講食完一隻先拎另一隻出黎, 佢話無架喎, 不過會用熱毛巾蓋住! 點都係會涼左囉...
原來小南國有拆蟹服務, 不過自己拆過癮D~
一開都幾多膏, 不過就唔夠甘甜!
第二隻同樣多膏, 肉質OK, 而且算飽滿!
食完蟹會食唔出蟹味??? 呢個生拆蟹粉小籠包, 一睇就知厚皮啦!! 蟹肉唔多見, 如果佢係普通既一籠小籠包, 我會覺得好味, 但佢係生拆蟹粉小籠包喎, 要減分!! ٩(•̀ω•́٩)≡:
蟹宴點都會有碟清炒時蔬, 但呢個清炒莧菜賣相就 very bad 啦!! 加兩粒杞子有D顏色咪好囉(๑•ૅ_•๑)՞༘
最後奉上薑茶糯米黑芝麻湯丸為蟹宴畫上句號。
薑茶唔夠薑 :P 應該係我個人可以飲再薑D, 同埋唔夠喉, 比一Jar薑茶我就好了 (๑>◡<๑) 哇哈哈哈~
總結: 小南國大閘蟹宴食過就算lu, 蟹唔夠大隻, 膏唔夠甘甜; 而其他食物只是一般! 不過服務好好, 可以黎食晚飯~
是次用餐地點為 銅鑼灣勿地臣街1號時代廣場食通天11樓1103號舖
分享到此為止, 拜拜~
♥歡迎邀約合作試用♡出席活動♥
留言
張貼留言