拉麵街不起眼的金田家

銅鑼灣有條拉麵街, 正正就響時代廣場附近 - 登龍街! 以前好少會行經登龍街, 最多都只係去登龍街搭小巴去赤柱.... 不過今時唔同往日啦, 一條街至少有五 六間拉麵店, 左左右右都係拉麵店, 食邊間好呢?

有幾間都好多人排隊, 肚子餓啦, 等唔到啦, 就入去金田家啦!! 共有五款拉麵選擇, 包括經典拉麵; 雞白湯豚骨拉麵; 辛子黑蒜拉麵; 赤子拉麵 及 至尊拉麵, 當然仲有小食例如餃子; 薯餅等等!
其實仲有個神秘麵, 係限定拉麵黎架, 今期係黑松露拉麵, 每日限製二十碗架咋, 所以想食就唔好太遲去啦~
麵要超硬!!! 最好多蔥但要加錢, 咁正常蔥! 原來 金田家 無得揀湯既濃淡度... 都唔係無既, 落單果陣要特意註明!
落完單就等食! 等緊期間就梗係周圍望下啦, 金田家 枱面會有樽水係比大家任飲, 仲有自攪芝麻粒任食! 

食得啦!!! 
我呢碗係辛子黑蒜拉麵, 濃濃既豬骨湯無被黑蒜奪走晒, 叉燒都算多及大塊, 木耳絲亦唔孤寒! 至於味道... 味道我叫左淡d, 但都少少咸, 不過拉麵及配菜質素及質量非常好! 
唔洗十五分鐘就食晒lu!! 好好味, 唔洗排隊都食到好野!


金田家
地址: 銅鑼灣登龍街34號地下
電話: 2889-3355


分享到此為止, 拜拜~


♥歡迎邀約合作試用♡出席活動♥

留言