日夜美白保濕大行動

如果你問我去旅行應該要帶咩護膚品? 一定答你美白同保濕既產品!! 去旅行大多都係戶外活動, 行行行睇睇睇買買買食食食, 就算塗左防曬肌膚都難免會深左個Tone! 所以返到酒店第一時間梗係美白加保濕啦~


上月我就去左韓國旅行, 用上韓國大熱品牌 Belif 進行日夜美白保濕大行動! 精華一定唔少得啦, 我呢支係 Hungarian Water Essence 匈牙利女王保濕水精華, 揉合超過15種精選既植物萃取精華, 包括迷迭香及雷公根, 加上繼承英國草本專門店 Napiers 150年經驗研發出黎既保濕配方, 從而製成既高機能保濕精華!

保濕精華真係好緊要, 無論咩肌膚狀態都係以保濕行先! 尤其戶外活動左成日, 就算飲水都唔夠充分補給比肌膚, 所以每日早晚我都會用上保濕水精華為肌膚打個底!
匈牙利女王保濕水精華不含礦物油; 無合成香料; 無合成色素; 不含合成防腐劑及動物有害成分! 適合所有肌膚使用!
我最鐘意就係水狀質地架啦!! 因為水狀先會更易被肌膚吸收, 而且佢既延展度好高, 一至兩Bump既份量已經好足夠! 
保濕無分早定夜用, 我個人認為係保養品既必需品! 因為肌膚注滿水, 有足夠既水份先唔會有肌膚問題 (例如乾紋, 甩皮等等), 而且肌膚唔夠水, 望上去都會顯老d!
話明日夜美白保濕大行動, 夜晚又點美白呢? 去旅行一返到酒店就梗係即刻敷番個美白MASK啦 - The True - Whitening Facial Sheet Mask 薰衣草高效淨白活氧面膜!
我地既肌膚會因紫外線; 吸煙; 混濁空氣; 壓力及電腦電器發出電磁場等等環境因素, 令活性氧產生並加快黑色素既合成, 蛋白質受損傷, 計而令皮膚變得暗沉且膚色不均!
The True - Whitening Facial Sheet Mask 薰衣草高效淨白活氧面膜 蘊含海薰衣草成分, 有效抗氧化及改善因壓力而導致既皮膚暗啞! 海薰衣草擁有超強自我保護力, 能保留多種礦物質, 以及蘊含生理活性成分維生素E! 
使用方法: 使用前將面膜紙摺疊一半並輕輕擠壓把模線打破, 讓面膜均勻地吸收精華令美白精華液, 之後將面膜服貼於面上待10分鐘! 撕除面膜後, 輕輕按摩肌膚, 促進未被完全吸收之美白精華液滲透肌膚
薰衣草高效淨白活氧面膜既面膜紙以有機純棉制成, 而面膜精華不含礦物油; 無合成香料; 無合成色素; 不含合成防腐劑及動物有害成分! 
我先將面膜紙取出, 然後放入下格比佢吸收精華! 我剪開左個包裝先知原來唔洗咁架, 只要將精華用力吱去面膜紙果一邊就得架啦, 証明我無睇清楚 instruction :p 不過只要將面膜紙沾滿精華就得啦, 哈哈~
沾滿精華後既面膜就可以敷上面喔~ 面膜紙以有機純棉制成, 剪裁貼服, 係唯一鼻位就差少少, 不過款款面膜都 Cover 唔晒鼻位架啦!
包裝內仲有少少精華, 唔好浪費呀, 我會倒埋出黎敷上面; 或者留起佢, 敷完面膜當精華用! 面膜對於我黎講大左少少, 有少少飛邊, 不過就好貼面亦唔會有甩出黎既情況!
薰衣草高效淨白活氧面膜指引係話敷10分鐘, 不過我敷左差不多30分鐘先醒起 :p 面膜無因我敷得過耐而乾涸, 而且一除下面膜感覺有光澤; 肌膚又好滋潤!

敷完美白面膜準備訓覺前我就會用 The True Cream - Aqua Bomb 斗篷草高效水分炸彈霜! Aqua Bomb 咁出名, 無人唔識啦啩~
Aqua Bomb 斗篷草高效水分炸彈霜凝膠質地, 而冰涼清爽既水分炸彈霜最適合油性及混合性皮膚! 斗篷草高效水分炸彈霜可即時為肌膚保濕, 提升皮膚既水分, 同時平衡油脂水平, 於肌膚表層形成保護膜持續滋潤!
Aqua Bomb 既凝膠質地可以響肌膚表面形成保護膜, 可以鎖住水份避免流失! 佢不含礦物油; 無合成香料; 無合成色素; 不含合成防腐劑及動物有害成分, 乾燥或敏感人士都適用! 若果太乾燥日子, 可以臨訓前塗厚少少, 當睡眠面膜咁用亦得!

夜晚訓覺前我會搽 Aqua Bomb; 朝早起身我就會搽 Whitening Cream! 佢都好保濕架, 而且仲多左個美白功能!
The True Whitening Cream 豆蔻亮白保濕面霜 唔洗講梗係蘊含豆蔻啦!! 響豆蔻中提取出 95% 以上高純度既天然美白成分 Macelignan, 具有保護皮膚細胞與抑制黑色素形成等功能!
The True Whitening Cream 豆蔻亮白保濕面霜 具保濕及冷卻功效; 含維他命E, 有抗氧化作用, 有助肌膚抗衰老, 令肌膚透過明亮, 改善暗沉及不均勻肌膚!
同樣係凝膠質地, 可以響肌膚表面形成保護膜, 可以鎖住養份避免流失!
豆蔻亮白保濕面霜可以日夜使用, 不過夜晚我會敷美白面膜, 所以夜晚主力保濕; 日頭就美白為主! 千萬唔好唔記得塗防曬呀, 如果唔係用幾多美白野都係假!

去旅行真係好開心, 日日都早出晚歸, 勁玩勁食勁 Shopping! 而且日日都好天氣, 去樂園啦; 踩單車啦, 真係無得頂! 不過韓國比較乾燥, 所以美白及保濕產品唔少得! 
日頭我用匈牙利女王保濕水精華及豆蔻亮白保濕面霜; 夜晚我同樣係匈牙利女王保濕水精華, 不過就配上斗篷草高效水分炸彈霜! 我覺得夜上保濕緊要d, 況且我夜晚都敷左個美白面膜先啦~

專櫃地址:
銅鑼灣時代廣場連卡佛 Tel: 2110 0131 
金鐘金鐘廊Lab Concept C4 Tel: 3102 9378 
尖沙咀海港城海運大廈2樓FACESSS Tel: 2110 1262


分享到此為止, 拜拜~


°゚。・*.゚✩˂特別嗚謝 品牌 邀請及贊助產品˃✩゚.*・。゚°


♥歡迎邀約合作試用♡出席活動♥

留言