春回大地, 驚蟄過後萬物重生繁花盛放, 昆蟲都活躍起黎, 尤其蚊都好勤力 (最鐘意訓覺時先黎搵我, 仲要飛去我耳仔 .v. 方死我唔知佢存在), 衰到痺!! 不過而家我唔怕啦, 我有自家製蚊怕水!!
較早前到 Canvas 參加自製天然香薰蚊怕水工作坊! 呵呵, 有蚊唔洗怕~ 我夜晚訓覺好少開冷氣, 一來習慣; 二來覺得冷氣會吸乾晒皮膚既水份... 臨訓前噴一噴蚊怕水, 咁就唔怕被蚊騷擾啦!! 蚊怕水唔難自家製架, 我就學識左啦 ^^
Canvas 擁有多款香薰油, 大部份香薰油都獲得澳洲國家ACO有機認證! 而香薰油擁有龐大治療效能, 佢既分子結構細小, 透過呼吸管道或肌膚進入身體, 穿越血液; 淋巴帶動全身, 誘發內至外既自然美!
晚晚被蚊騷擾真係好痛苦, 咬完之後好鬼痕, 仲要飛入我耳仔, 成晚唔洗訓... 正所謂做足防衛, 預防蚊蟲突襲, 所以大家都一齊黎學整蚊怕水啦!
自製天然香薰蚊怕水 (40ml 份量) 材料好簡單: 噴霧樽 1個; 蒸餾水 30ml; 酒精(Vodka) 8ml; 及 天然香薰油 6滴(包括香茅; 薰衣草; 茶樹及尤加利)!
昆蟲最怕就係香茅; 茶樹及尤加利呢三款香薰油既味道; 而薰衣草就有助舒緩敏感發炎並有抗菌功能!
首先就聞聞四款香薰油既味道! 邊隻鐘意d陣間就落多d果隻香薰~ 我個人就鐘意尤加利, 所以我既蚊怕水會係重尤加利既味道 ^^
首先將 8ml Vodka 放入噴霧樽, 然後就可滴入香薰油! 我就揀選左3滴尤加利; 然後各1滴香矛; 茶樹及薰衣草!
跟住輕輕搖勻, 好讓香薰油與Vodka結合! 然後再加上 30ml 蒸餾水, 咁就完成架啦~
我支天然香薰蚊怕水完成啦~ 淡淡尤加利味道, 又唔會過濃烈既香矛味! 以後每晚訓覺前我都會先響房間周圍噴噴, 尤其窗簾位置!
Recap 香薰蚊怕水做法:
1. 香薰油共6滴 (包括香茅; 薰衣草; 茶樹及尤加利)
2. 混和酒精 (8ml) 及香薰油
3. 加入 30ml 蒸餾水, 混合即成
感謝 Winnie 耐心教導 ^^
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言