PANDORA 令人諗起無窮無盡既串飾 (charms; clips...) 之外, 佢仲有好多其他 accessories - 戒指! 戒指被認為係愛情既信物; 左手無名指戴上戒指被認為係結婚戒指! 戒指唔一定連結愛情, 佢都可以係一個好好既潮流服飾配襯!
古羅馬時期, 戒指就等於印章, 係權利既象徵! 但到今時今日, 透過戒指配搭可以顯露自己獨特既一面! 較早前小妹就獲邀參與 PANDORA SS15 春季最新系列, 以春日錦繡嫵媚啟發設計靈感, 引領大家走進繁紅錦簇既大自然, 綻放迷人璀璨氣質!
SS15 春季系列擁有童話般夢幻既魔力, 讓人沉醉響白雛菊與櫻草花既花花世界, 蝴蝶穿梭雛菊間飛舞, 化成充滿動感同活力既珠寶首飾!
春天繁花盛放, 蝴蝶翩翩起舞, PANDORA 透過捕捉蝴蝶拍翼飛舞既一刻, 將呢個姿態及神髓塑造為全新系列既手工製戒指及吊墜, 呈現出獨有魅力!
呢個翩翩蝴蝶戒指可以單獨配戴, 或者兩隻一齊咁戴! 兩隻一齊戴就會變左一隻蝴蝶, 可以想像當擺動手指既時候, 指上既蝴蝶就好似立體飛舞咁!
有蝴蝶就當然梗係有花啦! 以璀璨既雛菊同閃爍既櫻草花為設計靈感, 將幾隻設計嫵媚既花卉戒指與簡單而閃爍奪目既戒指疊戴, 非常適合簡約既服裝打扮!
大會當日仲請黎兩位 fashion stylist 分享戒指配襯! 衣著品味每個人都唔同, 但只要配戴少少飾物就會唔同晒, 就好似淨色裙配戴頸鍊, 一d都唔浮誇, 更顯品味!
而另一位 Stylist 就分享戴戒指唔一定戴一隻, 就好似佢雙手咁, 一雙手可能都戴左十隻戒指; 戴響唔同手指; 一隻兩隻或三隻戒指, 都係一個潮流黎架~
當日大會仲安排左手部按摩比大家, 我對手就最攰架啦, 袋又重, 又成日用電腦... 打手機, 比人按摩下舒服好多 :)
戒指仲有好多款式, 我當然試戴唔晒啦~
之前睇完 Stylist 既分享, 我自己都學下一次戴幾隻, 我就襯左呢兩款, 哈~ 都ok見得下人啩 :p
我鐘意簡單優雅既款式, 將鑲滿寶石既戒指與突出搶眼既大戒指一齊疊戴, 又係另一種造型! 或者配戴金銀雙色戒指, 時尚又獨特!
PANDORA 咁多款式選擇, 唔知你又揀岩左咩款式呢? 我就有排揀啦, 皆因我有選擇困難症, 簡簡單單款式我又鐘意; 但又想試下唔同 Style 配襯出黎既效果... PANDORA 真係令人愛不釋手喔~
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請及贊助產品˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言