除左Keep Fit係女士們既終身事業之外, 第二樣我就會數到去美白!! 正所謂一白遮三醜, 更何況每個人內藏唔少黑色因子, 所以反黑事不宜遲!!!
SKii 全新昇級環采鑽白精華採用革命性Aura Bright Cocktail配方, 藴含皇牌成份Pitera; Ume extract 日本杏萃取物; De-melano P3C 及Pixel White! 有效增加肌膚既感光體及阻黑體數量, 從而提升光線散射, 並逐步減少黑色素既傳遞, 讓肌膚從內透出媲美粉鑽既光芒, 透出自然光采!
Cellumination 環采鑽白系列有4成員! 包括 Mask in Lotion (Toner); Aura Essence; Deep Surge及 Day Surge! 而呢支昇級環采鑽白精華 Cellumination Aura Essence 三月岩岩先至發售架咋!!
略略都講下現今我地追求既白啦...
一般我地成日都講到既白都可能會係瓷白; 雪白 或者 珍珠白, 而家最多人想擁有既就係鑽白!!! 鑽石閃閃發光, 皆因切割左既鑽石透過光線反射出黎, 呈現閃爍!
而全新昇級環采鑽白精華 Cellumination Aura Essence, 加強肌膚內在光線散射, 令肌膚顯得鑽白透亮! 內含阻黑體, 有助提高肌膚清晰度, 更顯無瑕亮白!
話明昇級版, 當然同第二代有分別啦!!
第三代昇級版既精華比第二代更閃令令! 提升左光線散射感!
而第三代昇級版更水潤! 更易被肌膚吸收! 若屬於乾性皮膚, 咁就要搽多個滋潤既精華或者Cream! 一般肌膚就咁用呢個環采鑽白精華都好足夠lu~
若果配合埋瑜珈式美白按摩手法, 當然就更好啦!! 步驟:
步驟1: 迎香減壓
放鬆心情, 用指尖點壓鼻翼旁的迎香穴, 加以按摩並配合深呼吸, 有助舒緩減壓
步驟2: 提升亮白
置拇指於耳珠前下方的聽會穴, 食指二節於顴骨打圈按摩, 有助加速血液循環,增氧
並點亮光采
步驟3: 膠原提拉
再利用食指二節沿腮腺位提拉, 以激活膠原及重塑面部輪廓
步驟4: 環迴去黑
利用食指二節沿額及眼周上出下入方式進行按摩, 推走暗沉膚色, 並同時促進血液循環
步驟5: 暢通淋巴
按壓耳後; 頸跟; 鎖骨每個穴位約3秒, 有效帶走面部多餘廢物,幫助消除疲勞
岩岩今個月我返左紐西蘭, 真係好天到不得了, 藍天白雲, 真係想響度漫活我既人生呀!!
天氣咁好, 好在我都醒目, 帶埋SKii呢支昇級環采鑽白精華, 嘻~
份量一Bump係唔夠架! 我大概Bump2-3Bump, 先響掌心搓勻, 然後搽上面, 由內至外輕輕打圈按壓! Aura Essence好快就被吸收!
我真係好醒呀, 如果唔係我肯定黑左幾個Tone呀!!
當然, 淨係靠Aura Essence係唔夠Keep住我既 淨 • 白 • 透 • 亮 啦 :p
我仲會用埋Day Surge做防曬, 全日夜都幫我對抗紫外線, 預防黑色素!!
究竟我有無黑到呢? Spot Control得好唔好呢? 我今日就去左做Magic Ring測試!
Magic Ring可以一次過分析肌膚既抗皺; 緊緻; 細滑;白晳同光澤度, 每項都會有個分數, 可以比大家知道邊度地方要注意多d, 邊度要keep住繼續保養好d...
二月既時候, 我整體評分只有71分, 而其中Spot Control更只得66分, 真係Oh My God!!
紐西蘭既紫外線都幾高, 所以我都幾膽心分數會更低...
但又唔係喎!! (^з^)-☆ 我整體分數都有所進步 (除左細滑度... 應該係角質層太厚吧~)!! 而Spot Control更有77分, 真係Happy Happy~
Magic Ring而家仲可以測試埋肌膚既Aura指數!
二月既時候我得分只有31分, 超級低分, 直頭係唔合格!
但用左昇級環采鑽白精華, 分數大大提升, 由31分去到66分呀 ( ´ ▽ ` )ﾉ
再比d時間啦, 我好快就可以去鑽白級肌膚架啦, Yosh!!
提提大家, 黎緊 4月1號開始, SK‐II 每星期都會舉辦 "Diamond Lady" 比賽!!
參加者需以清雅淡容示人, 配以閃亮物件拍照, 再加上相片說明上載至個人Instagram, 以突顯SK‐II No.1 美白精華產品 - 全新第三代昇級環采鑽白精華的特點: 《開創亞洲美白新標準，超越一般美白，帶出亞洲肌膚獨有的「淨、白、透、亮」》
相片說明必須加上 #SKIIdiamondlady 及 @SKIIDIAMONDLADY! 每星期獲得最多"Like"的相片將會成為勝出作品!!
勝出者可獲得SK-II 環釆鑽白修護套裝!!! 包括:
SK-II 全新第三代昇級環采鑽白精華50ml $1450
SK-II 護膚精華(神仙水)150ml $970
SK-II 眼部護膚精華15g $550
SK-II 肌源緊緻精華面霜 80g $1090
SK-II 環釆鑽白修護日霜UV 50ml $630
係咪好吸引呢, 即刻事不宜遲, 記得參加啦, BlingBling~
產品贊助及提供:
- SKii
▀▄▀▄▀▄ＣＯＮＴＡＣＴ ＭＥ▄▀▄▀▄▀
www.facebook.com/chanchechee
chanchechee@gmail.com
留言
張貼留言