初試 RMK 夏日彩妝

Yoho!! 上完化妝班, 係時候要show下自己既功力!! (苦笑) 唔好抱咁大期望 Σ(￣。￣ﾉ)ﾉ正所謂希望愈大失望愈大!! 因為我真係唔太識化妝架咋!!

其實我係介紹 RMK 2014 Summer Collection! 嘿嘿~

炎炎夏日好快就到, RMK 眼影及胭脂推出夏日限量色調!

眼影以磨砂盒作包裝, 的骰輕巧之餘, 每種色澤顯色度高同時具透明感, 恰度光亮既珠澤配合鮮豔既色彩, 與眼瞼膚色融為一體體, 締造柔和自由妝容!

而胭脂有15色, 由嫵媚粉紅至健康可愛既珊瑚色調幻化而成, 混入優雅珠澤, 令妝容更添立體感!

叮叮叮~叮!

呢套就係我即將會用黎試妝啦!!

先介紹呢個 RMK Original Brush Set! 係限量發售既迷你化妝掃套裝, 只有手掌咁大既化妝裝, 內藏胭脂掃; 眼影掃同眼影筆! 同時亦可以收納一盒 Customize Case!

講得係 Customize Case, 當然係自由組合既彩妝盒子啦~

盒底以磁石黏貼, 可以將眼影或胭脂輕易貼上固定或拆除! 輕易組合出別具個人風格既彩妝盒!

好!! 開工! ( ^ ^ )/

基於是次產品係由品牌贊助, 所以眼影顏色無得揀... 我都係開左先知 -_-# 乜我呢兩隻眼影色咁相似既... #13係 Pale Blue 淡藍色; #18係 Metallic Sliver 金屬銀. 塗出黎真係好似.

為求效果, 我好重手咁將 #13 Pale Blue 係咁塗響眼窩 XDDD 你知啦, 相機食色架麻~

之後我再用 #18 Metallic Sliver 響眼窩尾 blend 開, 等佢有輕輕漸變效果! 而家好興卧蠶 (臥蠶係指緊貼下睫毛下方既肌肉, 就好似一條長長躺臥既蠶蟲! 常言眼睛有臥蠶等同係靚女, 電力特別強; 臉孔輪廓較立體, 無辜又迷人既眼神, 可愛到暈), 所以我亦將 #18 Metallic Sliver 塗少少響下睫毛位置, 嘿~