嗯嗯~ 回到23歲產品試用又黎啦!! 上一次係試用23yearsold既 蠶絲精華美白面膜 (文章回顧: https://goo.gl/vNeimo); 而今次我收到佢地既潔面棒, 好期待好過癮咁款呀!
平時用開既洗臉產品唔係潔面膏就係潔面乳, 而23years old呢支係 潔 面 棒!! 佢主要成份有竹炭粉; 檸檬精油; 肉豆蔻酸鈉; 月桂酸鈉; 棕櫚酸鈉; 硬脂酸鈉; 甘油; 雙丙甘醇; 丁二醇等等!
一開蓋除左見到黑媽媽之外, 仲會聞到好清新既檸檬香味! 唔洗多講大家都知黑炭有極大既清潔能力, 可以吸走多餘油脂; 去除黑頭白頭粉刺等等污糟野! 而檸檬精油就有美白之效, 能有效令皮膚變得白晳, 從而提亮膚色!
點用呢? 首先要濕面! 然後就可以用潔面棒響面部肌膚輕輕打圈塗抹, 尤其覺得特別污糟既地方, 例如鼻哥兩旁, 黑頭特別容易積聚形成, 可以用呢支潔面棒打圈多幾次!
其實佢有教應該點用架! 先從皮脂較多既眉間位置開始畫個心形;然後再響眉心至鼻哥來回咁輕按; 因為鼻哥比較易藏污糟物, 所以可以以三角形方式按摩鼻哥兩旁; 最後就係面頰兩旁!
我就無乜跟程序, 只係打圈塗抹全面就算, 哈~之後可以等30秒左右, 當佢係面膜咁敷, 然後過水清洗; 遇水後泡泡就會出現, 泡泡會連埋d污糟野一齊沖走!
用左23yearsold 竹炭黑漆潔面棒洗完面, 除左乾淨去除暗啞之外, 肌膚明顯亮白左, 睇落健康感都會提升! 雖然話係可以日日使用, 但我覺得佢既深層清潔潔淨能力極強, 可去除黑頭及粉刺; 去除角質, 我諗隔日用佢會比較好!
如果你係油性肌膚, 強烈推介呢支潔面棒, 佢對吸走油脂功效超強; 相反乾性肌膚用後會少少乾, 但屬正常可接受, 之後搽番野就Ok架啦~
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°
♥歡迎邀約合作試用♡出席活動♥