煙火盛宴帶來的閃爍妝容

如果問我化妝為左咩? 梗係為左靚啦! 不過化妝對於我黎講, 永遠都係學習階段! 而且化妝好唔好睇係好個人! 我既宗旨係自然; 唔誇張; 順眼!! 最近收到幾件妝品, 係 Shu uemura 煙火盛宴 2015 最新春夏彩妝 及 最新推出既漆繪水亮唇彩!

Shu uemura 最新煙花盛宴彩妝系列靈感源自照亮漆黑夜空; 閃爍無比既日本節慶煙火, 以鮮艷既色彩於迷人晚空中綻放閃耀, 照亮整個東京! 所以今季春夏彩妝係以閃為主! 先介紹限量版煙火盛宴三色眼影組合!
限量版煙火盛宴三色眼影組合, 顧名思義就梗係有三款顏色啦! 集三款絢麗既金屬眼影色調於一身方便易用! 色調有四款供選擇, 包括閃銀雞蛋花; 銀灰紫羅蘭; 金銅牡丹及銀白雛菊! 而我呢盒係銀灰紫羅蘭色調, 當然有閃爍既銀色, 配上既粉色系既粉藍及粉紅色!
煙火盛宴三色眼影組合係補充裝形式, 方便隨時換色! 基於係煙火盛宴以閃爍為主, 所以塗出黎都只要係閃到痺 (注: 我塗左好多層先有d顏色出到黎)!
化妝我真係唔在行, 不過都努力嘗試!! 呢盒 銀灰紫羅蘭眼影, 我會先將最深色既粉藍塗於近眼窩近眼線位置; 然後再用粉紅blend開, 不過影相出黎唔覺眼 \( ˆoˆ )/ 無辦法啦, 相機食色嘛, 哈~
若果天生有濃密既睫毛或有深深眼線, 呢個閃閃眼影妝就已經夠晒! 但可惜我呢兩樣我都無... 想對眼精靈有神d, 只需要配合埋呢支全新metal:ink 持久閃爍眼線液就Ok喔~ 佢既特點係長效持久; 易於勾畫; 且閃爍顯色!
metal:ink 持久閃爍眼線液靈感來自節慶煙火既金屬色調, 以鮮明絢麗色彩成為東京夜空最美既裝飾! 兩大色調十款顏色, 包括深沉色系: 深亮紫; 夜空藍; 閃褐啡及閃墨黑. 而鮮明色系: 閃亮金; 閃亮銀; 彩亮綠; 閃粉紅; 銀河藍及鮮明紅!
我獲分配既係 navy 夜空藍色, 岩晒唔浮誇既我! Navy 夜空藍屬於深沉色調, 而我平時都係用黑色或啡色既 eyeliner, 所以呢隻夜空藍非常易接受! 用之前要搖勻, 因為內含銀色閃閃液體, 好易沉底, 唔搖勻就閃唔到架啦~
metal:ink 持久閃爍眼線液筆頭都算粗, 要畫幻線有少少難道! 正所謂熟能生巧, 畫得多粗筆都可以寫幼字啦~ 畫左落手到完全無化開, 顯色度就梗加唔洗講啦, 非常著色!
粗有粗既好! 一筆過就搞掂! 平時用極幼果d成日都要翻筆, 塗完再塗... 居然我用 metal:ink 可以一筆過, 最多只係勾畫番條眼尾要加多幾筆! 另外一贊既係唔甩色! 佢防油防水, 持久度當然高啦, 至怕甩晒落下眼變熊貓, 塗左幾個鐘都無甩色, keep 得到!

咀仔我真係好少搽! 所以搽既話我都只會揀選D 自然 Nude 色! 嘻~ 我收到既全新漆繪水亮唇彩係 #BG02 城市淡杏, 岩晒我呢D唔淡淡妝容!
漆繪水亮唇彩創作靈感源自日本名貴漆繪藝術, 系列結合強烈色彩及明艷光澤, 從而展現唔同個性既雙唇! 漆繪水亮唇彩由水溶性染色料及油溶性顏料相混合, 可以令色澤更艷麗突出同時又保持一定覆蓋度, 營造豐潤唇效!
漆繪水亮唇彩配上嶄新研創既塗捧, 可以靈活迎合唇部線條, 精準輕易勾畫雙唇輪廓, 塑造華麗均勻既效果! 全系列有15款色調, 包括經典漆紅(RD01); 玩味鮮紅(RD02); 烈艷火紅(RD03); 植村秀紅(RD04); 陽光橙紅(OR01); 魅惑紫紅(WN01); 狂野桃紅(WN02); 騷媚粉紅(PK01); 夢幻粉紅(PK02); 可人粉紅(PK03); 摯愛粉紅(PK04); 俏麗珊瑚(CR01); 優雅淡杏(BG01); 城市淡杏(BG02); 裸色主義(BG03)!
嘻~ 真係唔似唇膏呀! 佢好似油漆咁既質地, 但又唔會太杰好難推開, 而且顏色係我鐘意既 nude 色, 淡淡杏色夠晒自然! 而且響咀唇點下點下, 或者輕輕掃開都表現光澤感覺滋潤!
哈~ 妝容完成啦! 閃閃妝容唔一定夜晚 Party Look 既專利, 雖然係煙火盛宴閃爍妝容, 但唔會閃到出唔到街! (睇番d 相先知我連烟脂都唔無塗 :p )
希望大家鐘意我呢個閃爍又唔會太閃既妝容啦!


分享到此為止, 拜拜~


°゚。・*.゚✩˂特別嗚謝 品牌 邀請及贊助產品˃✩゚.*・。゚°



♥歡迎邀約合作試用♡出席活動♥

留言