✪五星級養生療程之美容莊梳乎享受✪

今年好似係我既旅遊年, 
每月一個旅行, 上月去左京都; 
今月岩岩去完沖繩... 
去完返黎都攰攰地, 拿拿聲預約Sense Beauty & Spa 
做番個五星級Treatment!

Sense Beauty & Spa 美容莊 於尖沙咀; 銅鑼灣及將軍澳均有分店, 
而我就去左位於銅鑼灣恩平中心分店享受五星級服務! 
銅鑼灣分店係日系和式設計, 感覺好舒服平靜心靈!

首先做岩盤浴養生療程! 
岩盤浴係可以話現時新興既美容療程, 
透過加熱至42度既天然黑神石板, 
不斷釋出遠紅外線及豐富既負氧離子, 
有效排出體內中性脂肪; 毒素; 降低血脂; 
減輕關節疼痛; 消除疲勞; 增加新陳代謝; 
促進細胞活性化; 提高人體既治癒力!

岩盤浴係獨立房間, 而且一d都唔會覺得狹窄或擠迫, 
最重要係唔洗同人share房! 
我估呢度至少有100-200尺, 極之寬敞, 
加上得我一個人享用, 打橫打棟任碌都得, 哈~

成日聽到女士特別容易手腳冰冷, 難出汗, 
大家可以試下岩盤浴! 
通過溫熱身體, 激活自律神經及荷爾蒙, 
加速新陳代謝; 唔需要郁動/運動, 
排出體外既汗係清爽唔黏立, 促進細胞活化, 
增加身體免疫力, 更可全身放鬆消除疲勞!

40分鐘時間話長唔長; 
起初20分鐘可能會覺得好熱, 
因為肌膚未咁快適應得切; 
之後就會慢慢有汗珠出, 
同埋係唔覺唔覺咁出汗, 
出汗都出得舒服過人!

岩盤浴有少少似韓國既汗蒸幕!
有無瘦到我就唔敢講,
不過出左一身汗特別舒服, 成個人都爽晒!
汗="毒素"
通通經肌膚毛孔流走,
感覺煥然一新, 脫胎換骨! 

岩盤浴後再黎玫瑰鹽能量石淨化按摩,
真係舒服都無得頂!
用上喜瑪拉雅山玫瑰鹽能量按摩療法,
透過豐富純天然礦物, 能滲入皮膚消除疲勞;
改善睡眠質素; 水腫等問題,
有效消除疲勞及紓緩肌肉痠痛!

岩盤浴40分鐘後會流失水份,
體內體外都要補水,
所以最好就嗱嗱林嘆番個保濕Facial - 水盈保濕再生面部護理,
有效迅速補充皮膚水份及氧份,
令肌膚變得更細緻幼滑!

肌膚表層角質日積月累,
家用既洗面膏/洗面乳未必清潔得到,
因此美容師用上溫和既木瓜酵素,
可以軟化肌膚表層老化角質/死皮! 

呢個唔係非一般既保濕Facial,
Treatment 除左包左基本
洗面; 針清; 修眉; 肩頸按摩等等之外,
仲會用上美容儀做按摩提拉導入!

先塗上保濕啫喱,
然後再用上金屬質地嫩膚美容儀,
由下向上提拉導入,
將精華滲透入肌膚底層, 為肌膚提供水分,
補充營養, 變靚靚好容易~

我眼訓循環唔太好, 黑眼圈比較明顯;
美容師就用上疑似磁叉既美容儀黎為我碌眼!
眼部有多個穴位, 適當按摩穴穴有減淡黑眼圈及幼紋之效!
真係舒服到一個點, 之後我就訓著左...
到我有番知覺既時候已經係塗護膚品精華面霜, 哈哈!

呢個星級養生療程包括岩盤浴養生療程(40mins);
水盈保濕再生面部護理(90mins)及
玫瑰鹽能量石淨化按摩 (45mins),
真係不得了, 全身得到放鬆, 身心靈得到平靜!
而我最鐘意係岩盤浴,
通過溫熱整個身體, 激活自律神經及荷爾蒙,
加速新陳代謝; 唔需要運動/唔需要郁動帶黎既汗水,
感覺係好爽好正, 定期岩盤浴更有促進細胞活性化,
提高人體既治癒力, 身心靈都會有正面既效果!

Sense Beauty & Spa 星級養生療程
地點: 銅鑼灣恩平道44-48號恩平中心21樓全層
查詢電話: 2111 5656
Facebook專頁: https://www.facebook.com/SENSEBEAUTYSPA

分享到此為止, 拜拜~

°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°

♥歡迎邀約合作試用♡出席活動♥

fb.me/chanchecheee

chanchechee@gmail.com