早前我靜雞雞秘秘密密咁進行左三日既斷食! 我唔係第一次斷食架啦, 好多人以為斷食係為左減肥, 錯! 斷食即 Fasting, 斷食會令人體既消化; 吸收機能暫時休息, 令解毒; 排毒機能提昇至最高水平, 排出毒素; 淨化身體!
當我地主動斷絕了身體既能量來源, 身體為左生存, 就會從體內尋找備用能量! 呢個時候, 原來累積響體內既多餘營養素; 脂肪及廢物, 甚至係腫瘤組織等等, 就有機會被當成備用能量消耗!
斷食就係乜都唔食, 只能夠喝水或適當液體, 讓消化吸收功能暫停; 使排泄功能發揮到極致, 達到淨化排毒, 清除宿便既目的! 所以我揀左飲蔬果汁黎做斷食!
市面上有好多果汁店, 而我就揀選左 Bless! Bless 會用上新鮮蔬菜, 以 Cold Pressed Juicing Machine 凍壓果汁機去整果汁! 因為Cold-Pressed 先可以保持蔬果中既所有營養及酵素保存容易被吸收既狀態!
揀 Bless 仲有一個原因, 就係佢會分開兩日送貨! 呢個係好重要, 因為果汁響無防腐劑既情況下好易會變壞, 榨好既果汁只能夠保存兩三日! 雖然我只係三日斷食, 但 Bless 都分開兩日運送, 確保果汁以最新鮮既情況下送到!
一日內飲六支果汁, 其餘時間淨係可以飲水, 所以食物都唔洗諗! 斷食三日可幫助消化系統排毒及清腸; 排宿便! 斷食五日可幫助循環系統排毒及清血; 重建免疫系統! 斷食七天更可幫助抵抗疾病及解決身體問題!
連續三日我都會飲呢六支果汁, 順次序咁 1 2 3 4 5 6 咁飲! 大概兩鐘頭就飲一支, 就好似平時少吃多餐咁, 不過唔係食而係飲!
我所揀選既係 3 Days Fast Cleanse, 每支都不同口味, 配合各蔬果既成份及營養, 所以唔洗擔心會飲到個人悶晒, 或者唔夠營養吸收等問題!
因為係一個三日既療程, 我呢三日都係飲呢六支汁! 第一支係 青蘋果+青瓜+椰菜花+西芹! 有少少似五青汁, 味道都幾清新, 不過我唔鐘意西芹, 好在好淡西芹味咋!
第二支係最好味! 蘋果+紅菜頭+甘荀! 每日最期待就係呢支, 因為甜甜好易入口!
第三支係最難飲 - 青蘋+鮮薑+青瓜+檸檬+西芹! 西芹味勁出, 我最怕, 飲落味道怪怪, 薑味返而無乜... 要加薑既原因係因為斷食無左澱粉質吸收, 個人會比較怕凍, 所以加薑!
第四支好味 - 菠蘿+橙+甘荀+青檸! 菠蘿橙都成日飲架啦, 加上我鐘意甘荀, 生食都無問題, 所以呢個又係好味!
第五支同第二支有d似 - 青蘋+青瓜+紅菜頭+鮮薑! 我好鐘意紅菜頭, 配合埋蘋果就會甜甜, 好好飲!
最後第六支屬於甜品 - 雲呢拿籽+杏仁奶+海鹽+蜜糖! 有d似無糖豆漿, 杏仁味淡淡!
要完成三日斷食一d都無難度, 因為三日真係話咁快就過左, 唯一辛苦係口痕!! 每兩個鐘就飲一支果汁, 絕對唔會有肚餓感, 但基於無野「咬」, 所以就好口痕! 若果真係忍唔到, bless 提供兩包小食!
果仁合桃我就無食到, 不過我就落左Chia Seeds (奇亞籽) 響果汁到, 大概十分鐘左右後變成爽滑可口有得𡁻下, 咁就唔會咁口痕!! 奇亞籽含豐富Omega-3, 可以幫助人體抗炎; 消水腫; 降血壓, 仲有助於穩定情緒; 改善心情!
話咁快三日斷食就完結左! 我每日都有便便, 有無瘦到呢? 一定有! 因為身體無澱粉質吸收, 但日日仲有得去便便, 又點會唔輕左呢~ 三日我輕左差不多4lb!
斷食好處多得是!! 除左可以調整體重; 清除體內既廢物毒素(宿便)之外, 仲有助養顏美容, 改善黑斑雀斑, 青春痘等皮膚問題, 最重要既係改變你既飲食習慣!! 食量會減少, 而且口味會變淡, 對於身體健康有好大既幫助! 仲有更多其他好處就要慢慢發掘啦~
分享到此為止, 拜拜~
♥歡迎邀約合作試用♡出席活動♥
留言
張貼留言