我承認我係一個潤唇膏怪魔, 無計啦, 一年四季無論咩時刻我都塗潤唇膏! 明明食緊飯, 我都會攞支潤唇膏出黎塗... 可能, 可能我太 Dry 了...
回歸基本, 始終都係 Vaseline 凡士林最夠滋潤! Vaseline 跟左我好多年啦, 最近出左款新味道, 其中一款係 Honey Baby 蜂蜜味!
黑金條子紋就係 Vaseline 最新推出既 蜂蜜味深層滋養護唇霜 (Vaseline Lip Therapy Queen Bee)! 一個小盒子就有 20g, 都只係賣 HK$29.9, 真係有排用!
唔洗多講 Vaseline 凡士林就梗係蘊含花士苓啦!! 蘊含99% 花士苓 (Petroleum Jelly), 能急救修護嚴重爆拆既雙唇, 同時響唇部表層形成一層薄薄既保護膜, 鎖住肌膚水分流失!
加上淡淡既蜂蜜香味, 塗上蜂蜜味深層滋養護唇霜就好似食緊/飲緊蜂蜜, 時刻滋潤呵護!
另一款唔係新產品, 不過可能比較少接觸 - Vaseline Lip Therapy Rosy 玫瑰深層滋潤護唇霜!
同樣 蘊含99%凡士林經典花士苓, 配及大馬士革玫瑰花油及甜杏仁油, 能急救及修護嚴重爆拆, 令櫻唇瞬間重現美麗潤澤!
塗上 Vaseline 玫瑰深層滋潤護唇霜 會有少少顏色, 但好淡好淡, 塗上咀唇會非常自然!
最後一款係 Vaseline Lip Therapy Aloe Vera 蘆薈深層滋潤護唇霜!
嘿~ 其實所有 Vaseline 產品都蘊含99%花士苓成分, 有急救及修護爆拆之用, 且能迅速紓緩唇部乾燥及龜裂現象, 有助鎖緊肌膚水分並防止水分流失!
蘆薈深層滋潤護唇霜 無之前介紹果兩款咁甜味, 但呢款勝在感覺清新, 而且無色男士都岩用!
介紹左呢幾款味道既 Vaseline 護唇霜比大家, 不如同大家分享下花士苓既其他用途啦~
響穿耳環前先塗上少少凡士林於耳針, 就可以減低戴耳環時既疼痛感, 亦會更容易戴上, 而且仲可以減低敏感!
髮尾受損乾燥? 只需響髮尾塗小小凡士林就可以變得柔順!
咀唇都會有死皮, 將凡士林加少少糖, 然後輕輕按摩唇部, 咁就可以去除唇部死皮角質啦~
感冒既時候會成日流鼻水, 呻到鼻都損埋... 呢個時候又係凡士林大派用場!! 可以塗少少響鼻周圍, 可以鎖住鼻周既水分, 防止不斷摩擦而引起皮膚乾裂!
最後就係用黎塗手肘; 膝蓋; 腳踭呢d容易乾燥龜裂既地方! 尤其腳踭特別乾裂粗糙, 可以訓覺前塗上厚厚既凡士林, 然後著上襪子, 第二日就會有明顯既改善架啦~
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言