You are sixteen; going on seventeen... 哈~ 前陣子睇左話劇 Sound of Music 仙樂飄飄處處聞, 呢隻歌上晒腦! 原來韓國有個品牌叫 Back to Sixteen, 唔知係咪真係可以返到去16歲呢?
我手上揸住呢個就係韓國品牌 Back to Sixteen 既 BB Cushion, 蘊含鬱陵島海洋深層水, 有深層活化肌膚細胞; 抗衰老; 抗氧化; 激活膠原蛋白増生, 改善暗啞泛黃等功能!
Back to Sixteen BB Cushion 唔係化妝品咁簡單, 除左有基本防曬 SPF50+ PA+++外, 佢仲添加左透明質酸; 蘆薈; 蜂膠; 橄欖油; 熊果素; 腺苷; 琥珀粉; 珍珠粉及紅寶石粉等等成份配方, 化妝同時護膚!
化妝同時又能護膚既 Back to Sixteen BB Cushion, 蘊含強效抗皺緊緻成分腺苷, 保持肌膚緊緻有彈性, 而鬱陵島海洋深層水配合透明質酸; 蘆薈; 蜂膠及橄欖油等保濕滋潤成分, 為肌膚注水, 改善乾燥脫皮, 令妝容更貼服!
BB Cushion 即係氣墊粉底, 輕輕一按就會沾上由琥珀粉; 珍珠粉; 紅寶石粉等矜貴成分而成既粉底液, 而呢幾個成分有助折射光線, 提亮膚色令膚色均勻有光澤! 而我呢盒係 #21 色, 自然色但有少少偏白!
BB Cushion 最方便既地方就係唔洗雙手直接沾到粉底液! 先用粉撲取適量粉底, 然後就響肌膚上輕輕印開... 要遮瑕既地方就印多少少!
Back to Sixteen BB Cushion 非常方便, 唔洗沾到雙手, 補妝都易d! 粉底方面亦比較輕及薄, 而且唔會有 ka 粉情況出現! 不過色系就白左少少, 但當我畫番條眉; 加番條眼線及塗唇膏後, 感覺就自然好多啦~
化完妝當然要落妝啦, Back to Sixteen 木瓜酵素卸妝潔顏泡泡油!
Back to Sixteen 木瓜酵素卸妝潔顏泡泡油, 嶄新油變泡泡技術, 將卸妝油與洗面泡結合於一身, 一個步驟就可以清除皮膚及毛孔內既殘餘妝品, 同時去除老化角質及皮脂污垢!
話明 木瓜酵素卸妝潔顏泡泡油, 當然蘊含木瓜酵素啦! 木瓜酵素係存在響木瓜中既一種蛋白質分解酵素, 有助天然促進肌膚代謝, 幫助溶解毛孔中積聚既皮脂及老化角質! 另外仲含歐錦葵提取物; 羽衣草提取物, 有助增強肌膚彈性; 延緩衰老; 更能抑制預防色斑形成!
而薰衣草油有修復功效, 快速淡化痘印; 抑制痘痘細菌再次滋生, 同時舒緩修護過敏性膚質; 控製表皮肌膚油脂分泌; 緊緻表皮肌膚; 收斂毛孔; 促進細胞再生, 改善暗沉乾燥老化肌膚!
我比較鐘意用卸妝油去卸妝, 因為感覺卸妝油可以黏起並融合妝品及皮脂污垢! 乾手乾面, 先泵一至兩泵既卸妝潔顏泡泡油, 然後就全面打圈推開, 難以卸妝部位 (如眼妝), 可用沾滿卸妝油既手蓋上大概5-10秒, 然後加清水按摩乳化至起泡, 最後就係清水洗淨就Ok啦~
卸妝後唔會油笠笠; 亦無乾爭爭, 感覺都Ok, 不過習慣左卸完妝會再洗一次面先夠乾淨! Back to Sixteen 係韓國品牌, 有興趣可以去指定屈臣氏或者到佢地 Facebook 了解多d!
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請及贊助產品˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言