早兩個月前去韓國食詹姆士芝士排骨, 食到lam lam脷!! 原來香港都有得食, 不過同韓國版相差好遠!!
食韓國野首選梗係去韓國街啦 (尖沙咀金巴利道), 呢間叫 Han Spoon 開業無耐, 都算多人, 不過唔洗排好耐隊就入得!
食物選擇有好多, 不外乎泡菜湯; 石頭窩飯; 水冷麵等等!
見到餐牌居然有 韓國芝士辣豬排骨, 好! 就食你!!
先來前菜三小碟! 泡菜唔夠辣, 可能始終要迎合香港人人口味啩~
香港版芝士排骨份量細d; 相比下韓國 James 排骨, Han Spoon 既芝士大條好多粗好多, 無咁碎!
先燒溶芝士, 然後 阿朱媽 就會黎幫你卷芝士排骨! 其實芝士好快溶, 燒熱左唔夠五分鐘就溶得七七八八!
韓國食到既味道係 BBQ 味豬肋骨, 再包上一層芝士! 而 Han Spoon 一盤芝士排骨有六大舊, 加上器皿唔大, 要將排骨用芝士卷起唔係咁就手! 另外, 排骨用上韓式辣醬黎醃製, 味道完全 Over 晒! 講真果句, 食過就算!
食完一舊已經唔想再食第二舊了... 因為味道真係唔太好! 我鐘意食芝士, 但奈何個醃料唔好味!
Han Spoon
地址: 尖沙咀金巴利街3號地下
電話: 2311-3983
分享到此為止, 拜拜~
♥歡迎邀約合作試用♡出席活動♥
留言
張貼留言