小妹近排收到幾款面膜既試用, 身為懶人既我敷 Paper Mask 就最方便, 敷完唔洗洗; 唔洗過水之餘仲唔會立痴痴, 試過 Puresa 面膜就知! 佢成為我既本月之選, 哈~
Puresa 皇牌急救面膜有八大款, 美白; 保濕; 骨膠原等等, 而我一早就係 Puresa 客仔了~ 好物要分享 ( 〃 ˆᴗˆ 〃 ) 我就用開玫瑰精華面膜, 貪佢有玫瑰香味同夠補濕! 承蒙品牌厚愛♡, 今次試用維他命C美白保濕面膜~
究竟美白先定保濕先好呢? 一次過咪最快囉!! Puresa 維他命C 面膜! 一盒五片裝既面膜, 每包容量 15ml!
Puresa 維他命C 面膜 含維他命C 誘導體 (美白成份)及西梅酵素分解物, 有助抑制黑色素形成, 預防黑斑; 雀斑, 並加多滲透力及保濕效果!
呢個維他命C美白保濕面膜精華唔算多, 質地軟薄, 敷上面舒服無刺激肌膚!而且有眼膜位可以厚敷眼肚位置!
不論大面細面高鼻定扁鼻, 一塊紙面膜係難以覆蓋整塊面既所有部份, 而 Puresa 優性之處就係佢既立體剪裁! 面膜邊邊; 眼位; 鼻位; 口等等, 全都可輕易調節, 想貼d就貼d!
人中位置好多時都會飛飛下, 而 Puresa 既面膜輕易 mit 開, 可以令面膜更緊貼面部每一寸肌膚! 跟住就休息15-20分鐘!
20分鐘除掉面膜後仍會有精華響面上, 可以唔洗過水, 用手輕按然後塗面霜就Ok 囉~ 敷完之後感覺好冰涼, 好潤! 至於美白效果呢, 點會一敷就白架, 一敷就白果d 應該有螢光劑嘛??! 所以我覺得美白效果只係心理作用 :p
最鐘意 Puresa 既面膜紙質地, 薄得黎大細岩岩好, 而且完全緊貼面部! 維他命C保濕面膜無色素無香料 (玫瑰面膜係有少少香味架~), 精華唔會過多或太少, 份量剛剛好! 再者, 敷完20分鐘後可以唔洗過水, 亦唔會 feel 到立痴痴, 用手指輕輕加以按摩吸收就搞掂!
分享到此為止, 拜拜~
°ﾟ｡･*.ﾟ✩˂特別嗚謝品牌邀請及贊助產品˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言