由細到大周身傷痕 ( •̥́ ˍ •̀ू ) 唔係呢度整損, 果到介損, 就係刮到... 熱水辣親起泡都試過! 最近得到除疤專家 喜療疤既試用邀請, 估唔到跟左我幾十年既疤痕, 同兩年年既水泡痕都得以改善!
來自瑞士品牌既除疤專家喜療疤 - 除疤啫喱, 採用嶄新「2合1全效更生系統」, 全方位護理疤痕! 先以MPS及 Allium Cepa 雙效活性成份, 能快速滲入皮層, 平衡骨膠原生長, 促進皮膚組織更生過程, 軟化及改善疤痕; 再注入蘆薈, Vitamin E 及 B3 等天然成份, 滋潤及保護皮膚組織不被紫外光傷害, 有助減褪色素!
喜療疤除疤啫喱 適用於燙傷; 刮傷; 蚊蟲咬傷或手術後既各種新舊疤痕及色印! 除疤同時護膚, 50倍迅速滲入真皮層, 撫皮; 軟化及淡化疤痕!
密封式包裝方便亦衛生! 同一般藥膏一樣要用就先得開封! 先將藥膏90度角插入扭蓋另一面, 用少少力就可以開到!
大概兩年前左右, 響屋企斟水飲, 一唔小心就倒瀉左, 仲要係100度既熱水, 當時真係痛死我... 但我又唔知點護理, 淨係識得用水喉水沖呀沖, 結焦又手多多, 走去mit佢, 搞到傷口凸起左! 雖然疤痕唔大, 但都唔美觀嘛~
喜療疤除疤啫喱 質地係透明, 有少少味道, 係蘆薈既味道?? 感覺係有少少藥用性! 啫喱唔立手, 好快就吸收!
另一疤痕就係我既膊頭哥... 真係跟左我幾十年! 仲記得果陣訓上下格床 (上便係床; 下便係衣櫃及書枱), 明明有條梯用黎上落, 我偏偏就響書枱果邊爬上去! 一滑又搭唔隱, 都未上到去就凌空跌左落地, 仲要鏟左我膊頭一片肉...
諗起鏟走塊皮真係堅痛, 不過事隔多年, 膊頭都仲有印!
我唔算勤力使用 喜療疤除疤啫喱, 每晚塗一次 (建議每日塗2~3次)! 根據指示, 要消除疤痕, 建議響疤痕形成既兩年內使用, 效果會更理想!
雖然只係用左短短兩個禮拜, 手背上因滾水而產生既水泡疤痕有輕微收縮既蹟像, 無之前咁突同印都淡左!
而膊頭哥既效果唔明顯, 相信係疤痕太耐, 要塗更長時間喜療疤除疤啫喱 先有待改善!
題外話, 喜療疤 仲有暗瘡疤痕專用配方! 有抑制色素沉澱, 擊退黑印紅印! 有助加速組織更新, 預防凹凸疤痕!
喜療疤 暗瘡疤痕專用配方 為100%抗菌啫喱, 更快更易被皮膚吸收! 獨有「3合1疤痕修復方程式」, 唔單止可以改善現有既暗瘡疤痕, 同時有效預防暗瘡變成永久性暗瘡疤痕!
更多查詢請參閱 喜療疤產 專頁➞ Hiruscar 喜療疤 Hiruscar Postacne HK 及Hiruscar Kids HK
分享到此為止, 拜拜~
產品贊助及提供:
- 喜療疤
♥歡迎邀約合作試用♡出席活動♥
chanchechee@gmail.com
留言
張貼留言