你有無紋身? 有無諗過紋身?
紋身係一世架喎!! 紋之前真係要諗清楚呀!!!
嘿嘿, 我背後呢個紋身係咪好靚呢? 其實係henna tattoo, 唔係一世果d黎架 Σ(￣。￣ﾉ)ﾉ
紋身呢家野讀書時期就諗過, 但一直都無去紋, 因為紋咩圖案; 紋咩位置, 都要諗清諗楚!! 雖然話紋完都可以用laser洗走, 但我無咁既勇氣, 所以都係諗下就算lu~
不過呢, uBeauty 聯同 LadyHel 舉辦左個 Henna Tattoo 活動, 等大家對 Henna 認識多d!!
Henna Tattoo, 印度彩繪係指將指甲花 Henna 既樹葉製成原料後, 以肌膚當成畫布, 響手同腳畫畫, 象徵好運既印度傳統裝飾藝術!
而 Henna Tattoo 同傳統針刺既永久性紋身唔同, 將印度指甲花既樹葉磨粉製成原料, 成份天然安全, 且唔傷皮膚! 彩繪大概維持二至四個星期!
Henna Tattoo 係印度最古老既人體刺青藝術傳統! 印度嫁娶時會以彩繪黎作祝福之用! 因此彩繪既重要性影響新娘既幸福, 要讓新娘未來有一個好既婚姻生活, 彩繪係絕對唔可以馬虎! 靜靜咁坐響度, 接受定力與耐力既考驗... 印度智者常說: 對於一個在進行彩繪的人而言, 也是一種冥想(Meditation)!
導師 Helen 真係唔同d, 隨手白手畫上紙度當練習, 三兩下就畫左個花出黎!!
黎得呢個工作坊, 當然都要試畫下 Henna 啦!! kaka, 不過就唔無畫響皮膚上面, 而係畫響牛油紙度印畫下, 感受下~
呢支就係由指甲花提煉而成既彩繪筆!! 有少少似吱朱古力咁!! 吱出黎有少少似話梅味!
你都咪話易吱, 跟住圖畫都畫到出晒界 (T_T ) 都順暢既畫得... 如果比我畫落肌膚上面, 肯定一pad野呀 XDD
之後就由導師幫我地畫 Henna Tattoo 啦!!
有d 畫響手背; 手臂, 同埋腳! 而我呢, 我既 Henna Tattoo 就響我後頸, 好靚啊~~~
我無諗畫咩圖案, 全由導師話事!! 響我背後畫畫畫, 就好似有蟻響度行過咁, kaka!!
全程大概10至15分鐘左右就畫完架啦, 呢個圖案好peace, 我好鐘意呀!!
因為我既 Henna Tattoo 響後頸, 所以影相就睇唔到我個樣; 睇到我個樣就睇唔到我個 Henna XDDD
分享到此為止,拜拜~
特別嗚謝活動主辦:
- uBeauty
- LadyHel
▀▄▀▄▀▄ＣＯＮＴＡＣＴ ＭＥ▄▀▄▀▄▀
留言
張貼留言