我要做大廚!! 究竟係美女廚房定地獄廚神呢... 其實用黎宴客定自家晚餐, ♡ 腐竹雞湯煮大蝦 ♡ 真係話咁易就煮好出黎, 話晒都係海鮮嘛, 入得廚房出得廳堂仲唔係我, 呵~
以為好難煮? 其實好Easy!!
材料:
清雞湯
鮮腐竹
海中大蝦
首先將鮮腐竹沖水然後切件!
然後放落滾水大火煮至溶爛!
記住要時刻攪勻, 因為好容易會痴底!
鮮腐竹溶晒後就續量添加清雞湯, 可隨意加叮咁多鹽及糖調味! 腐竹雞湯滾起就落蝦啦~
蝦一定要買新鮮, 扎扎跳果D! 蝦買左返黎落鍋前先用水清洗! 呢度得1斤蝦, 真係唔多夠喉... 不過真係估唔到腐竹雞湯會同蝦係咁夾, 鮮味出晒黎!!
食得囉~ 蝦可以食; 湯可以飲! 鮮味出晒黎, 真係食完一隻又一隻, 停唔到口呀!
就咁一個晚餐好似唔夠飽喎, 所以呢, 我會用呢個蝦湯底再煮烏冬!
真係美味到極呀!! 大家不妨試試~
分享到此為止, 拜拜~
♥歡迎邀約合作試用♡出席活動♥
留言
張貼留言