懂得變色的潤♡唇膏

佢係一支潤唇膏; 佢同時又係一支唇膏! 
用左佢之後真係轉唔到其他呀!!! 識我既人都知我一年365日由朝到晚, 什至食食下野都會攞支潤唇膏出黎搽 (年中都唔知食左幾多潤唇膏落肚 :P)! 細細個讀緊書既時候用得最多就係什果冰, 貪佢多口味之餘又夠冰涼! 其實大大話話我都用過好多款潤唇膏, 但仲未有支岩心水... 最近我試用左呢支 Faith in Face 既 Lip Bomb Glossy Base Balm, 一試愛上呀♡♡♡
就係呢支啦!! 呢支就係我所講一試愛上既 Faith in Face Lip Bomb Glossy Base Balm! Faith in Face 所有產品真正由韓國製造, 而且好多產品都一度賣斷市! 梗係啦, 價格大眾化又唔貴, 質素又好喎, 點會唔搶購 (萬寧間唔中又會做特價, 抵上抵呀~)!
Lip Bomb Glossy Base Balm 成份包含仙人掌花及麥蘆卡蜂蜜! 有效鎖緊水份之餘, 同時為雙唇時刻提供大量水份, 帶黎超卓既滋潤保濕效果; 而且麥蘆卡蜂蜜有助緊緻唇部並擊退唇紋, 令雙唇變得更平滑亮澤!
每樣產品都一定會印有有效期, 護膚/化妝產品一般有效期為三年, 當然愈早用愈好啦, 新鮮D麻~ MFG 即Manufacturing 製造日期; EXP 當然就係 Expiry date 到期日啦!
Lip Bomb Glossy Base Balm 包裝採用磨砂反光粉紅設計, 感覺優雅; 而轉動式設計可避免潤唇膏被唇膏瓶身既邊緣弄污及保護至不易折斷! 
點解要塗潤唇膏咪就係因為乾之嘛! 咀唇乾就會成日都想lam, 愈lam就愈乾! 所以潤唇膏係我既必需品! 加上因為乾而要成日塗潤唇膏, 所以好少會塗唇膏, 有色既唇膏就梗少! 而 Lip Bomb Glossy Base Balm 最特別既地方就係佢會變色! 塗上後雙唇會因應體溫而自動輕微調色, 展現自然; 健康唇色!
我唇色本身唔太深色, 但血色不足, 有D時候會呈現病人look... 但基於我成日都要塗潤唇膏, 所以塗有色既唇膏就唔係咁方便! 呢支 Lip Bomb Glossy Base Balm 一試愛上既原因就係因為佢會變色, 明明同普通既潤唇膏一樣, 但塗上咀後會變色, 仲要好自然♡
哈~ 唔洗十秒就會慢慢變色! 真係好鬼靚啊~ 加上又夠晒滋潤! 原本一日要塗8次潤唇膏既我, 而家塗4次就夠啦 ^^ 滋潤得黎有光澤, 少少顏色夠晒自然又唔浮誇, 可以話一支 Lip Bomb Glossy Base Balm 就搞掂晒! 
Faith in Face 呢支 Lip Bomb Glossy Base Balm 售價為HK$58, 相當抵玩! 最鐘意係佢變色既功能, 有番個咀先似人樣架嘛, Wakaka~ 行出黎都自信D啦!
Faith in Face 於萬寧獨家發售 


分享到此為止, 拜拜~


°゚。・*.゚✩˂特別嗚謝 品牌 邀請及贊助產品˃✩゚.*・。゚°


♥歡迎邀約合作試用♡出席活動♥
chanchechee@gmail.com

留言