15日提升自我修復能力♡absolution La Cure Peau Nette

想擁有完美無瑕既肌膚唔係容易, 加上外在環境因素, 都會好影響肌膚質素... 無啦啦長暗粒; 肌膚暗啞無光澤等等, 要改善肌膚問題就要提升自我修復能力!

最近我就用緊 absolution La Cure Peau Nette 淨肌修復精華! 先講講我屬混合性偏油膚質, 肌膚底層唔夠水份, 導致面層出油; 好容易會令到毛孔粗大, 引致暗粒及暗瘡等問題! 另外年紀愈長, 新陳代謝率會減慢, 自我修復能力亦一樣!

absolution 係一個法國護膚藝術品牌, 產品通過Ecocert Greenlife 有機認證! 一盒La Cure Peau Nette 淨肌修復精華 就有15小支, 每支1ml, 係半個月療程!

absolution La Cure Peau Nette 淨肌修復精華主要功效為淨化及幫助肌膚達到水油平衡, 令肌膚兩週內重回正軌, 並改善泛紅及油脂失衡既情況!

absolution La Cure Peau Nette 淨肌修復精華主要成份蘊含 圖爾西葉(Tulsi); 微粉銀離子(Micronized Silver); 印度大風子油(Chamoogra)及益生元(Prebiotic)等等! 圖爾西葉有助全面潔淨肌膚污物; 降紅及平衡油脂分泌! 而微粉銀離子有效調節及穩定皮膚上微生菌群及防止細菌生長! 另外成份印度大風子油可以舒緩受刺激或損傷既皮膚, 更有助調整改善皮膚色素!

一支1ml小份量可以確保衛生! 而且容易開啟, 一扭即可! 一開會聞到天然既味道, 有少少似樹林植物既味道, 感覺天然無添加! 而精華既顏色更係墨綠色, 大自然既顏色!


1ml份量有人會覺得唔夠; 有人會覺得可以分幾次... 份量多唔多就好睇個人, 最主要係睇自己既肌膚吸唔吸收! 可以將absolution La Cure Peau Nette 淨肌修復精華直接塗上面; 或者放上手指頭後再塗上面!


absolution La Cure Peau Nette 淨肌修復精華 水狀質感, 好易被肌膚吸收, 而且唔會有黏立感! 我習慣用手指彈琴方式去按摩喚醒肌膚, 促進血液循環, 令皮膚充滿活力!


正如之前所講有人會覺得1ml太多一次用唔晒, 可以用番個開蓋塞番住佢, 留番下次用, 最多用到2次 (日+夜)!

連續15日密集式療程後, 我呢個混合性偏油肌感覺毛孔無咁明顯, 泛油情況都有所改善! 肌膚水油平衡就唔會咁易出油及長粒粒, 自我修復能力都會自然提升啦!

absolution La Cure Peau Nette 淨肌修復精華 於全線 10/10 HOPE 專門店有售!


分享到此為止, 拜拜~


°゚。・*.゚✩˂特別嗚謝 品牌 邀請˃✩゚.*・。゚°

♥歡迎邀約合作試用♡出席活動♥
fb.me/chanchecheee
chanchechee@gmail.com