孝親之選♡ClubONE飲茶食特式點心


踏入五月, 即係好快到母親節! 諗好帶媽媽食乜野好呢? 好多人都會選擇飲茶, 等我推介大家去食特式點心啦~

O咀包!! 好得意啊~ 我好鐘意綠色, 呢個包令我諗起卡通片ToyStory入便既三眼仔!
《青頭仔》先係佢既真名 (餐牌係咁寫架~), 其實係流沙奶皇包! 綠色既包皮唔係食物色素, 而係用上天然蔬菜汁製成架!
青頭仔 (3件) - HK$60

不是梨 (3粒) - HK$60
哇哈哈, 唔係梨係咩啊? 飲茶絕不能沒有它 - 咸水角! 過癮過癮, 咸水角既餡卻有梨既外型, 比到呃到啦~

雞! 全部都係雞~ 我唔係唱歌啊, 《全部都係雞》就係呢個食物既名! 呢個疑似熔岩火山係糯米雞黎架, 同傳統既珍珠雞賣相好唔同, 無荷葉包住! 而餡料係無豬肉, 所以全部都係雞! 
全部都係雞 - HK$45

食到咁上下, 侍應比左個搖酒器我!? emmm, 我無叫Cocktail喎, 無啦啦比我做咩呢?! 原來係《色色蝦條》, 應該要改名做ShakeShake春卷先岩, 哈哈! 先Shake後食, 鮮蝦春卷除左餡料係蝦膠之外, 仲混合煙肉碎, 好有咬口!
色色蝦條 - HK$55

橙冬瓜 - HK$65
食完d煎炸食物, 當然要清清喉嚨啦~ 《橙冬瓜》又係特別之選, 冬瓜粒粒預先用醋醃過, 享用之前用橙汁快炒, 味道酸甜多汁, 好醒胃~

原個芝士南瓜飯 - HK$150
超足料既焗南瓜飯, 濃郁既芝士南瓜汁配合清淡既蛋白炒飯, 大人小朋友都必定鐘意食!

最後當然要Order個滋潤養顏既甜品 -《 棗皇燉蛋白》! 呢個燉蛋白味道超得, 啖啖紅棗味, 但絕對唔會有鞋口既感覺, 一d紅棗渣都無, 好好味! 唯一美中不足係賣相, 相信係燉得過火, 燉蛋白既表面唔應該凹凹凸凸, 要扣分!
棗皇燉蛋白 - HK$50

講左咁耐, 呢間酒樓係 ClubONE 空中花園, 位於尖沙咀K11商場既SKY樓層! 想黎食記得要預訂呀, 因為ClubONE提供婚現場地, 有機會有新人包場, 咁就唔會摸門釘食閉門羹啦~

ClubONE 空中花園
尖沙咀河內道18號K11商場SKY 樓層
訂座電話: 3582-4077


分享到此為止, 拜拜~


♥歡迎邀約合作試用♡出席活動♥