芫荽對於我黎講真係又愛又恨, 芫荽皮蛋湯有助清熱降火; 芫荽水可以止痕; 到近排推出芫荽薯片; 芫荽醬; 芫荽撈麵.... 估唔到而家連身體護膚品都加入芫荽, 可以話芫荽真係無處不在呀, 哈哈!
講緊既就係我手上呢支 Kiehl's Richly Hydrating Hand Cream 豐潤保濕手霜 - 芫荽味!
蘊含乳木果油, 有助防止水份流失, 令肌膚回復潤澤柔軟; 配方入便仲有維他命E, 具備強效抗氧化功能, 保護肌膚!
唔知點解最近手指成日都好乾, 乾到甩皮... 好在有Kiehl's新推出既豐潤保濕手霜!
質地非常Rich, 但絕對唔立手, 好神奇啊~ 初初塗上手真係以為黐立立, 塗開後又無喎, 感覺滋潤!
話就話係芫荽味Hand Cream, 但同真實芫荽味有少少唔同, 唔係太濃郁, 反而覺得啖啖地又幾香幾好聞喎!
有乳木果同維他命E既滋潤, 塗完覺得連指紋都淺左呀, 全日都無再乾燥lu~
除左有芫荽味既HandCream,仲有芫荽味既身體磨砂霜!
磨砂有咩好? 就係幫你清潔毛孔, 去除死皮角質! 每日都會有好多角質, 久而久之就會積得厚厚, 例如腳踭; 手肘! 身體磨砂仲有一個好處, 就係順便按摩, 速進淋巴流動, 可以分解積聚既脂肪!
Kiehl's Gently Exfoliating Body Scrub 溫和身體磨砂霜蘊含杏仁磨砂粒子及多種潤膚成分, 質感同Hand Cream差不多, 只係多左幼細既磨砂粒粒! 而味道呢, 芫荽味唔濃烈, 淡淡地反而幾好聞!
身體磨砂做好沖涼時使用, 身體微濕既情況下, 用磨砂霜輕輕力打圈已經有好好既效果! 容易沉積黑色素既地方(例如手肘; 膝頭哥等等), 可以打圈按摩多幾次, 去除角質肌膚會無咁深色~
大家睇下!! 左手用左磨砂霜, 明顯比右手白淨!
唔喜愛芫荽味都唔緊要, 因為仲有西柚及薰衣草味比大家選擇 :)
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言