Kiehl's深夜奇蹟系列之溫和潔顏油

化完妝要落妝, 清潔落妝真係好緊要! 講開落妝腦海會諗起F字頭或S字頭品牌既卸妝油; 而Kiehl's都有卸妝油推出啊 - Midnight Recovery Boyanical Cleansing Oil 深夜奇蹟溫和潔顏油!


卸妝及洗臉對於我黎緊相當重要, 因為清潔乾淨先會有健康既肌膚, 如果唔係搽幾靚幾貴既護膚品都無用! Kiehl's 深夜奇蹟溫和潔顏油加入左優質橄欖油; 月見草油及薰衣草精油, 能溫和而有效咁卸除妝容; 且不含礦物油及不生粉刺配方, 敏感肌膚都適合使用!

成份之一既優質橄欖油具備高效溶解能力, 可以分解污垢; 油份; 防曬品同化妝品, 同時幫助軟化及為肌膚補濕! 而月見草油含大量奧米加6脂肪酸, 有助維持肌膚天然屏障功能! 另一個主要成份薰衣草精油, 有助紓緩肌膚, 為夜間滋養步驟作好準備!
卸妝首要係乾手乾面! 泵3至4下既潔顏油份量於掌心, 輕輕塗遍全面, 打圈推開; 而眼妝我都可以用佢卸妝, 合上眼後將塗滿潔顏油既手覆蓋住大概10秒即可! 仲有咀唇, 搽完唇膏都要卸色架, 可以用潔顏油響咀唇上打圈按摩!
然後加清水再輕輕按摩, 令潔顏油乳化成奶白色! 好奇妙, 乳化後油質感覺消失, 可以過水啦~
卸妝乾淨又唔會覺得肌膚乾燥繃緊, 連眼妝都卸得乾淨, 一d唔舒服/醃眼情況都無! 化妝通常都係淡妝既我, 我用完Kiehl's深夜奇蹟溫和潔顏油就當洗完臉, 因為佢都幾乾淨, 可以話一次過卸妝連洗臉, 非常方便!

Kiehl's 同系列既深夜奇蹟修復精華露 (Midnight Recovery Concentrate) 係我最愛既晚間修復油, 深入底層修復及重整肌膚天然保護膜, 加強肌膚自我防禦能力! 有文獻話夜晚12點至4點係肌膚修復及自我更生既最佳時機, 所以夜訓對身體對肌膚都絕對唔好架!
先聞一聞深夜奇蹟修復精華露帶有薰衣草既味道, 有安睡既作用! 然後就輕輕按壓面部周圍, 適量既油份可以令肌膚水油平衡, 皺紋幼紋都無咁容易形成!
我仲會用佢黎按壓耳後淋巴穴位有助排除堆積脂肪及多餘水份; 做法好簡單, 用大拇指按壓耳後淋巴位置, 再慢慢用力緩慢向下移, 至頸部鎖骨位置!
Kiehl's 深夜奇蹟修復精華露 (HK$430/30ml) 及新品深夜奇蹟溫和潔顏油 (HK$290/175ml) 經已推出有得賣啦, 快d 去Kiehl's專門店親身體驗下啦~


分享到此為止, 拜拜~


°゚。・*.゚✩˂特別嗚謝 品牌 邀請˃✩゚.*・。゚°


♥歡迎邀約合作試用♡出席活動♥