唔記得畫眉就好似唔記得著衫出街咁! 尤其我眉弱, 眉毛較稀疏, 真係唔畫點可以出街呢! 介紹大家 RMK 最新推出 Eyebrow Colors W自然造型染眉膏!
睇落無乜特別, 其實佢係雙頭式設計既染眉膏, 眉毛液可細緻勾畫及修正眉形; 另一端係睫毛刷頭, 可以調節整體眉色! 而我呢支係 #01 色, 係特別淺色, 較適合膚色及髮色偏淺既人士!
一邊係較扁平既筆頭設計, 可以輕易畫出眉形及填補眉毛間既空隙! #01 色係較淺既啡色, 個人認為較適合淺色髮色人士!
而另一邊係細小刷頭設計既染眉膏, 就好似mascara咁, 不過用於眉毛位置! 只需輕輕掃上, 就可整理眉毛同時塑造豐盈立體感!
我先用筆將眉形畫出, 然後再為眉與眉填補空隙! 然後再用刷毛掃均勻眉毛, 由下至上掃, 真係輕輕掃兩掃就搞掂晒~
RMK 呢支 W Eyebrow Colors 真係好方便! 不過色系就唔太岩我, 因為我膚色唔夠白, 髮色亦太深了, 用左咁淺色眉好似太怪怪... 或者我染個淺色頭再配淺色眉會較好!
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請˃✩ﾟ.*･｡ﾟ°
♥歡迎邀約合作試用♡出席活動♥
留言
張貼留言