先乳後水♡帶來不一樣的護膚感覺

最近我用緊一個比較特別既護膚程序, 先乳後水! 聽落好似好奇怪, 因為我地正常既護膚程序係洗面; 爽膚水; 精華; 面霜... 但來自日本品牌Albion 就掉番轉, 用左滲透乳 (乳液), 然後再用柔膚水!
粉紫色果支就係 Exage 系列既清新水潤滲透乳II (保濕型), 蘊含黃金洋甘菊精華; 櫻桃酵母發酵濾液及貽貝糖原等等, 可維持肌膚水分; 油分; 天然保濕因子既三角平衡, 咁先係真正既美麗水潤!
按壓3泵為一次既份量, 先將 Exage Activation Moisture Milk 清新水潤滲透乳點按於前額; 雙頰; 鼻頭及下巴!
然後就要用少少力, 將化妝棉由內到外; 由下往上, 以螺旋式方向打圈, 輕柔慢慢揉開滲透乳, 令肌膚充分吸收滲透乳!
呢個滲透乳連幼嫩既眼部肌膚都可以用! 肌膚得到即時滋潤平衡, 之後就要用柔膚水 - Skin Conditioner!
護膚第二步就係爽膚精萃液!! 含高濃度薏仁精華, 金縷梅精華及七葉樹精華, 有促進角質代謝, 有效緊緻肌膚, 調理肌膚紋理, 令肌膚表層更細緻有光澤!
同樣要用上化妝棉! 將適量份量既爽膚精萃液滲透化妝棉, 然後就響面上輕拍肌膚, 係咁拍係咁拍, 你會發現肌膚涼浸浸, 好舒服, 而且一d都唔會立痴痴, 感覺係好似剝左雞蛋殼後既肌膚!
最後一步就係塗精華或面霜! 仲有, 爽膚精萃液仲可以當面膜水咁用, 尤其將佢敷響痘痘暗瘡位, 有助平衡油脂, 鎮靜肌膚, 好快就減退!
想要靚靚肌膚就唔可以懶, 你可能會話又要塗開又要用化妝棉輕拍打肌膚, 好似好麻煩咁, 只要你相信一分耕耘一分收穫, 你對肌膚做好滋潤保養, 係會有效果有成果! 而且 Albion 係真心好用, 肌膚水潤飽滿綻放活力光彩!


分享到此為止, 拜拜~ 


°゚。・*.゚✩˂特別嗚謝 品牌 邀請˃✩゚.*・。゚° 


♥歡迎邀約合作試用♡出席活動♥