前陣子響 Groupon 見到 $258 兩位 The News Room 晚餐, 價錢Ok喎, 買左! 早幾日黎食, 好在係 Groupon 咋, 自己黎食就要諗諗先!!
The News Room 係走 American Style, 周圍貼滿美國漫畫式海報作佈置!
Set Dinner 只有一個, HK$600二人餐, 非常唔抵食呢~ 好在我買左 Groupon 咋!! Groupon HK$258 二人餐就非常抵食了!!
有頭盤; 餐湯; 主菜更有四款可供選擇; 最後仲有甜品添, 係唯獨無咖啡/茶~
先來煙三文魚沙律, Portion 都算OK, 不過三文魚只有一片, 但幾好味~
然後係青豆湯.... 食得出係急凍果款雪青豆攪碎而整成個青豆湯! 個人麻麻地青豆, 所以我落左好多 Pepper, 咁就好味好多啦~
我唔吃牛, 但聽友人講牛扒非常差. 要五成熟但上到枱差不多八成了.... 而且有好多筋!
另外主菜有鱸魚配薯仔千層, 呢個very good呀!!! 最鐘意呢個, 味道調得好好, 只係欠缺少少汁!
大蝦天使麵! 大蝦烤得剛剛好 (唔係死蝦), 好好味! 而天使麵就偏咸左少少, 不過都可接受!
最後就係甜品啦 - 朱古力慕斯蛋糕! 原本仲未飽架, 食埋件Cake就岩岩好, 唔太甜!
最後埋單只係比加一(HK$26), 即係呢餐每人消費為 HK$142! 百幾蚊食個晚餐, 又有前菜, 又有頭盤, 而且主菜都幾好味, 真係算抵食! 不過話時話, 星期六日無乜人, 黎食既都係 Groupon 客, 食夜既分分鐘可以免費包場添呀 :p
The News Room
地址: 鰂魚涌糖廠街33號太古坊
電話: 2562-3444
分享到此為止, 拜拜~
♥歡迎邀約合作試用♡出席活動♥
留言
張貼留言