護膚產品愈出愈多, 又精華又肌底液... 而且分分鐘精華仲塗唔至一款以上! 但其實每日既基本護膚先係最重要, 底子打得好, 肌膚先會健康! 最近我用上 Clinique 基本護膚三步曲, 只需 3Step (清潔 -> 清理皮層 -> 滋潤) 就令肌膚有明顯改善, 真係唔到你唔信!
Clinique 3Step 基本護膚三步曲相信唔會陌生, 而我呢個混合油性暗瘡肌, 有我專屬既 3Step! 洗面係最最最基本既第一個步驟, 先黎介紹洗面要洗得徹底 - Liquid Facial Soap!
我用呢支係 Liquid Facial Soap Oily Skin Formula 油性皮膚配方洗面液, 佢含薄荷 Menthol 成份, 有鎮靜肌膚既作用; 而輕盈既滋潤劑聚季銨鹽-7 (Polyquaternium-7)可令肌膚柔軟滋潤! 另外仲有塞潤櫚 (Saw Palmetto), 係響一種特別既棕櫚樹長出既果實中提鍊而成既水果精華 (Serenoa Serrulata), 有助平衡肌膚本身油脂!
份量唔需要太多, 只需一至兩泵既 Liquid Facial Soap 就足夠, 啫喱質地, 加少少水於掌心輕輕揉搓就起泡了! 然後就於面上輕輕打圈就好似按摩咁, 避開眼部範圍, 最後以清水沖洗乾淨!
我好鐘意 Liquid Facial Soap, 因為感覺好乾淨, 而且過水後唔繃緊, 肌膚清爽涼浸浸!
雖然話28日為肌膚週期, 但每日我地都會接觸到微塵, 死皮就慢慢積累! 而 Clarifying Lotion Twice a Day Exfoliator 溫和潔膚水, 有效去除積聚老化死皮細胞, 改善毛孔外觀, 淡化細紋, 令肌膚展現更均勻通透既光澤感!
我所用既係 Clarifying Lotion Twice a Day Exfoliator #3 潔膚水, 蘊含水楊酸 (Salicylic Acid) 特別適合暗瘡肌, 有助清除肌膚表面既死皮細胞, 從而保持肌膚自然更新過程! 另外仲有氨基酸糖 (Acetyl Glucosamine); 透明質酸 (Sodium Hyaluronate); 甘油 (Glycerin) 及海藻糖(Trehalose)等成份, 有助促進細胞更新, 維持肌膚平衡狀態!
Clinique 建議用棉花球抹拭, 但若真係無棉花球都可以用化妝棉代取, 不過千萬唔好用薄如紙果款化妝棉, 太薄根本無效用!
用潔膚水唔需要貪心, 倒適當份量於棉花球或化妝棉, 於額頭; 鼻哥; 面頰兩邊; 下巴等位置, 每一位置抹一下 (由內至外), 唔洗翻抹, 一下就夠!
頸部都要抹! 好多時都會漏左頸部肌膚, 頸部都係外露肌膚之一, 好多時都會忽略左!
#3 潔膚水有酒精既味道, 呢個我好鐘意! 覺得塊面好似岩岩消毒完, 真正徹底乾淨! 抹完面及頸再睇番棉花球/化妝棉, 呃唔到人, 黃黚黚仲帶灰灰黑黑, 呢d就係普通洗面都洗唔乾淨既死皮角質!
肌膚真正得清潔乾淨, 當然要嗱嗱聲滋潤啦~ Dramatically Different Moisturizing Gel 特效爽膚啫喱霜, 有助強化健康膚質, 增強肌膚天然保濕層!
Dramatically Different Moisturizing Gel 特效爽膚啫喱霜 既配方結合左全新科技及嶄新成分, 包捨透明質酸 (Hyaluronic Acid); 甘油 (Glycerin) 及天然補濕因子 (NMF), 能為肌膚補水及鎖水, 配合精華萃取有助強化滋潤保護層, 抵禦外來環境壓力及侵害, 達致健康水潤肌膚!
有黃油之稱既 Moisturizing Gel, 注入左突破性肌膚強韌因子, 通過過敏性測試, 百分百不含香料! 柔滑啫喱狀, 質感清爽舒適, 且推開易被皮膚吸收! 於肌膚面層形成薄膜, 全日都感到滋潤清爽唔黏笠!
雖然叫 Moiaturizing Gel, 但佢唔係面霜黎架, 之後都要塗面霜 (不過因人而異啦~)! 連續用左幾日經已覺得肌膚有所改善, 肌膚無咁暗啞, 無之前咁油光滿面, 覺得肌膚健康左, 連暗瘡暗粒怎至係久久不退既色印都淡左!! 望上去唔會太大既變化但整體就係靚左好左!
而家每日早晚都會用上 Clinique 3Step!! 肌膚先要得到清潔, 然後清理皮層, 最後再滋潤, 就係呢三個基本護理, 肌膚變靚靚之術就係咁簡單!
每人肌膚不同, 最好都係問番專業美容顧問, 先評估然後挑選最合適既產品! 而我屬混合油性暗瘡肌, 所使用產品只供參考:
清潔 ➞ Liquid Facial Soap Oily Skin Formula 油性皮膚配方洗面液 HK$190/200ml
清理皮層 ➞ Clarifying Lotion Twice a Day Exfoliator 溫和潔膚水 HK$170/200ml; HK$290/400ml
滋潤 ➞ Dramatically Different Moisturizing Gel 特效爽膚啫喱霜 HK$170/50ml; HK$310/125ml
分享到此為止, 拜拜~
°ﾟ｡･*.ﾟ✩˂特別嗚謝 品牌 邀請及贊助產品˃✩ﾟ.*･｡ﾟ°
♥歡迎邀約合作試用♡出席活動♥